सबस्क्राईब करा
नाशिक : देशाच्या स्वातंत्र्याचा अमृतमहोत्सव साजरा होत असतानाही गुजरातच्या सीमावर्ती सुरगाणा तालुक्यातील आदिवासींच्या विकास कामांची अपेक्षित पूर्तता न झाल्याने सीमा संघर्ष समितीने गुजरातमध्ये समावेश करण्याचा आग्रह धरत थेट गुजरातेत वासदा तहसीलदारांना निवेदन दिले. याच पार्श्वभूमीवर जिल्हाधिकारी कार्यालयात आज झालेल्या बैठकीत पालकमंत्री दादा भुसे यांनी आदिवासी बांधवांच्या प्रश्नांच्या निराकारणासाठी प्राधान्यक्रम ठरवत विकासाचा अनुशेष भरून काढण्यासाठी कृती आराखडा केला जाईल, अशी ग्वाही दिली. त्याचवेळी हात जोडून टोकाची भूमिका घेऊ नका, अशी विनंती करत महाराष्ट्राची प्रतिष्ठा राखण्याची आग्रही भूमिका पालकमंत्र्यांनी मांडली.
विकास कामांचा प्राधान्यक्रम निश्चित करत असताना उपलब्ध निधीच्या माध्यमातून प्रश्न मार्गी लावण्याची तयारी दर्शवत त्यांनी सुरगाण्यात अधिकारी-कर्मचारी राहणार नसल्यास त्यांच्यावर कठोर कारवाई करण्याचे आदेश दिले. आदिवासींचे प्रश्न लवकर सुटावेत म्हणून प्रयत्न करण्याचा शब्द देत भुसे यांनी त्यासाठी स्वतः नेतृत्व करण्याची तयारी दर्शवली. अखेर सीमा संघर्ष समितीने आमचे महाराष्ट्रावर प्रेम असून महाराष्ट्रासोबत राहू असे सांगत गुजरातमधील सहभागाच्या आपल्या आग्रहाला पूर्णविराम दिला. जिल्हाधिकारी गंगाथरन डी., जिल्हा परिषदेच्या मुख्य कार्यकारी अधिकारी आशिमा मित्तल आदी उपस्थित होते.
दादा भुसे म्हणाले...
उंबरठाणचे ग्रामीण रुग्णालय, तज्ज्ञ डॉक्टरांच्या प्रश्नांची सोडवणूक करण्यासाठी आरोग्यमंत्र्यांना भेटणार
स्थलांतरित मजुरांचा प्रश्न मार्गी लावण्यासाठी सिंचन व्यवस्थेला प्राधान्य देणार
रोजगार हमी योजनेची कामे तातडीने सुरु होतील. १० लघु पाटबंधारे योजनांसाठी मंत्रालयात बैठक घेणार
सुरगाण्यात खास सवलत देऊन उद्योग यावेत म्हणून उद्योगमंत्र्यांना भेटणार
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.