Nashik News : अरे बापरे ; शस्त्रक्रिया होती उजव्या पायाची आणि डॉक्टरने केली डाव्या पायाची

Nashik News : राज्यातील नाशिक जिल्ह्यात एक धक्कादायक घटना घडली आहे. ती म्हणजे डॉक्टरने रुग्णाच्या उजव्या पाया ऐवजी डाव्या पायाची शस्त्रक्रिया केल्याचे समोर आले आहे.

अधिक माहिती अशी की, उपचारासाठी दाखल केलेल्या व्यक्तीच्या उजव्या पायातील रॉड काढायचा होता. मात्र डॉक्टरांनी डाव्या पायाची शस्त्रक्रिया केल्याचा आरोप नातेवाईकांनी केला आहे.

हलगर्जीपणा आणि अयोग्य शस्त्रक्रिया केल्याने डॉक्टरांवर उपनगर पोलीस ठाण्यात गुन्हा दाखल करण्यात आला असून पुढील कारवाई ही चौकशी करून करू अशी माहिती पोलिसांनी दिली

तर दुसरीकडे डॉक्टरांनी आपल्या वरचे सर्व आरोप फेटाळले आहेत. डाव्या पायाला अपघाताने जखम झाली होती. त्या जखमेवर उपचार करून टाके मारण्यात आले आहेत. याबाबत नातेवाईकांनी नाही कल्पना दिली होती. त्यामुळे त्यांच्या पायाला कोणताही धोका नसल्याचे डॉक्टरांनी सांगितलं.