सध्या महाविकास आघाडीमध्ये मोठी फूट पडलीये. नागपूर काॅंग्रसमध्ये वेगवेगळे मतप्रवाह पहायला मिळत आहेत.
Nashik Padvidhar Election : नाशिकची पदवीधर निवडणूक लक्षवेधी ठरत आहे. ठाकरे गटाच्या शुभांगी पाटील यांना काँग्रेस (Congress) आणि राष्ट्रवादीही (NCP) पाठिंबा देईल, असं चित्र आहे. पण, सत्यजित तांबेंवरुन संभ्रम कायम आहे.
भाजप पाठिंबा देणार की नाही? हे अजून स्पष्ट नाहीये. नाशिकच्या पदवीधर निवडणुकीत सत्यजित तांबे आणि शुभांगी पाटील यांच्यात थेट लढत असली तरी पाठिंब्यावरुन जो सस्पेंस आहे, त्यावरुन मतदार संभ्रमात आहेत. शुभांगी पाटलांना ठाकरे गटानं पाठिंबा दिलाय. पण, मविआचा पाठिंबा अद्याप घोषित झालेला नाहीये.
नाशिक पदवीधर मतदारसंघ या निवडणुकीच्या केंद्रस्थानी आला आहे. या मतदारसंघात अपक्ष उमेदवारांमध्येच लढाई होणार असून भाजपा तसंच महाविकास आघाडी कोणाला पाठिंबा देणार याची सर्वांनाच उत्सुकता लागलीये. याच पाठिंब्यावर भाजप प्रदेशाध्यक्ष चंद्रशेखर बावनकुळे (Chandrashekhar Bawankule) यांनी अधिक माहिती दिली. आम्हाला अद्याप कोणीही पाठिंबा मागितलेला नाही, असं बावनकुळेंनी जाहीर केलं.
याबाबत भाजप लवकरच आपली भूमिका स्पष्ट करेल. शिवाय, सत्यजीत तांबेंनी आपल्याकडं समर्थन मागितलं तर त्याचा विचार करु. सध्या भाजप अपक्षाच्या भूमिकेत असल्याचंही बावनकुळेंनी स्पष्ट केलं.
बावनकुळे म्हणाले, 'सध्या महाविकास आघाडीमध्ये मोठी फूट पडलीये. नागपूर काॅंग्रसमध्ये वेगवेगळे मतप्रवाह पहायला मिळत आहेत. काॅंग्रेसकडं नेतृत्वाचा अभाव दिसत आहे. राज्यसभेत काॅंग्रेसची वाईट अवस्था झालीये. उध्दव ठाकरेंच्या कार्यकर्त्यांमध्येही नाराजी पाहाला मिळत आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
