आज राष्ट्रवादी कॉंग्रेसचे अध्यक्ष शरद पवार यांना फोनवरून जीवे मारण्याची धमकी देण्यात आल्याने खळबळ उडाली. मुंबईतील पवारांचे निवासस्थान सिल्व्हर ओक येथे अज्ञात व्यक्तीने फोन करुन ही धमकी दिली. मुंबईत येऊन पवार यांची हत्या करणार असल्याचे फोन करणाऱ्याने सांगितले. दरम्यान यावर विरोधीपक्षनेते अजित पवार यांनी प्रतिक्रिया दिली आहे.
अजित पवारांनी शरद पवारांना धमकी देणारी व्यक्ती सापडली आहे तसेच त्या व्यक्तिच्या मानसिक स्थितीबद्दल पोलिस चौकशी करतील असं म्हटलं आहे.
हेही वाचा - इच्छापत्र करायचंय...मग या गोष्टी नक्कीच माहिती हव्यात....
याबद्दल बोलताना अजित पवार म्हणाले की, शरद पवार यांना धमकी देणारी व्यक्ती बाहेरच्या राज्यातील आहे. ती विकृत आहे की त्याच्यावर मानसिक परिणाम झाला आहे, याची चौकशी करण्याचं काम पोलीसांचं आहे. परंतु, त्यांचे फोन येते होते, ती व्यक्ती हिंदी भाषेत बोलत होती. अतिशय खराब शब्द वापरत होती. याबद्दलची तक्रार केल्यानंतर ती व्यक्ती सापडली आहे आणि तपास सुरू आहे.
आरोपींनी हिंदीत धमकी दिली. या धमकी प्रकरणात ग्रामदेवी पोलीस ठाण्यात अज्ञात व्यक्तीविरोधात तक्रार दाखल करण्यात आली आहे. पोलीस ठाण्यात अज्ञात व्यक्तीविरुद्ध 294 आणि 506 (2) कलमान्वये गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
