मुंबई- राज्यसभेसाठी सुनेत्रा पवार यांच्या नावावर शिक्कामोर्तब झाले आहे. आज त्या अर्ज दाखल करणार आहेत. छगन भुजबळ यांनी यासंदर्भात माहिती दिली आहे. गेल्या दोन दिवसांपासून सुनेत्रा पवार यांच्या नावाची चर्चा सुरु होती. मात्र, आज त्यांचे नाव निश्चित झाले असून काही वेळात त्या अर्ज दाखल करणार आहेत.
राष्ट्रवादी काँग्रेस अजित पवार गटाकडून छगन भुजबळ हे देखील राज्यसभेसाठी इच्छुक होते. पण, त्यांना संधी देण्यात आलेली नाही. भुजबळ यावर बोलताना म्हणाले की, 'होय मी राज्यसभेसाठी इच्छुक होतो. पण, पक्षाने सुनेत्रा पवार यांना राज्यसभेवर पाठवण्याचा निर्णय घेतला आहे. आपल्याला पक्षाचा निर्णय मान्य करावा लागतो. मी आजिबात नाराज नाही.'
प्रफुल्ल पटेल कार्याध्यक्ष आणि सुनील तटकरे हे प्रदेशाध्यक्ष आहेत. मी एक कार्यकर्ता आहे. त्यांनी काही विचार करुन सुनेत्रा यांना राज्यसभेवर पाठवण्याचं ठरवलं आहे. काही निर्णय आपल्या मनासारखे होत नाहीत. पण, आपण पक्षात काम करत असताना काही गोष्टी ऐकाव्या लागतात. मी काही अपक्ष नाही. पक्षासोबत मी आहे. त्यामुळे मी त्यांच्या निर्णयाचा मान राखतो. इच्छा होती, पण मला संधी देण्यात आली नाही याबाबत माझ्या मनात नाराजी नाही, असं देखील भुजबळ म्हणाले.
छगन भुजबळ यांनी आपण नाराज नसल्याचं स्पष्ट केलं असलं तरी ते नाराज असल्याची चर्चा राजकीय वर्तुळात सुरु झाली आहे. सुनेत्रा पवार या भाजपच्या मदतीने खासदार होतील. सुनेत्रा पवार या बारामती लोकसभा मतदारसंघातून सुप्रिया सुळे यांच्याविरोधात मैदानात होत्या. पण, याठिकाणी त्यांचा पराभव झाला आहे.
अजित पवार गटाच्या काही नेत्यांनी सुनेत्रा पवार यांना राज्यसभेवर पाठवण्याची विनंती केली होती. त्यानंतर अजित पवार गटाकडून हा निर्णय घेण्यात आल्याचं सांगण्यात येतं. राज्यसभेसाठी पार्थ पवार यांच्या देखील नावाची चर्चा होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
