सबस्क्राईब करा
अजित पवारांच्या बंडमुळे राज्यातील राजकीय वातावरण ढवळून निघालं आहे. आज राष्ट्रवादीचे नेते अजित पवार यांनी मुख्यंमत्री एकनाथ शिंदे आणि उपमुख्यंमत्री देवेंद्र फडणवीस यांच्या उपस्थितीत दुसऱ्या उपमुख्यमंत्रीपदाची शपथ घेतली. यावरुन आता राजकीय वर्तुळात प्रतिक्रीया येत आहेत. भाजपचे नेते आणि केंद्रिय मंत्री नारायण राणे यांनी ट्वीट करत शरद पवारांना डिवचलं आहे.
अजित पवारांनी उपमुख्यमंत्री पदाची शपथ घेतल्यानंतर नारायण राणे यांनी ट्वीट करत शरद पवारांच्या गुगलीवर सिक्सर पडल्याचे राणे म्हणाले आहेत. देवेंद्र फडणवीस यांच्या यॉर्करवर राष्‍ट्रवादीचा त्रिफळा उडाला असल्याचा खोचक टोला राणेंनी लगावला आहे.
"शरद पवारांच्या गुगलीवर सिक्सर! देवेंद्र फडणवीस यांच्या यॉर्करवर राष्‍ट्रवादीचा त्रिफळा उडाला. उध्‍दव ठाकरे हिट विकेट आणि संजय राऊत स्‍वत:च्‍या पायात अडकून पडून रन आऊट. देवेंद्र फडणवीस यांचे अभिनंदन!" असे राणे म्हणाले आहेत.
'या' आमदारांनी घेतली मंत्रिमंडळाची शपथ
उपमुख्यमंत्री म्हणून अजित पवार यांच्यासोबत राष्ट्रवादीमधून छगन भुजबळ, दिलीप वळसे पाटील, हसन मुश्रीफ, धनंजय मुंडे, धर्माराव अत्राम, आदिती तटकरे, संजय बनसोडे या मातब्बर नेत्यांनी आज मंत्रिपदाची शपथ घेतली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.