Sharad Pawar: सोशल मीडियावरील सुरू झालेल्या मालदीवसोबतच्या वादाला आता राजकीय वळण मिळाले आहे. पंतप्रधान नरेंद्र मोदी लक्षद्वीपच्या दौऱ्यावर होते आणि त्यांनी तिथले काही आकर्षक फोटो सोशल मीडियावर शेअर केले होते. यानंतर सोशल मीडियावर मालदीव आणि लक्षद्वीपची तुलना सुरू झाली. दरम्यान, मालदीवच्या काही नेत्यांनी भारत आणि पंतप्रधान मोदींबद्दल अशोभनीय टिप्पणी केली. त्यामुळे भारतीय नेत्यांनी मालदीव सरकारवर निशाणा साधला आहे.
भारत-मालदीव वादात शरद पवार यांनी देखील आपलं मत मांडलं आहे. "नरेंद्र मोदी हे देशाचे पंतप्रधान आहेत. दुसऱ्या देशातील एखादी पदाधिकारी व्यक्ती जर त्यांच्याबद्दल अशा प्रकारचं वक्तव्य करत असेल, तर त्याला नक्कीच विरोध असेल. आपण पंतप्रधान पदाचा मान राखायला हवा. देशाच्या बाहेरील व्यक्ती जर पंतप्रधानांच्या विरोधात काही बोलत असेल तर आम्ही ते स्वीकारणार नाही" अशी प्रतिक्रिया राष्ट्रवादीचे प्रमुख शरद पवार यांनी दिली आहे.
पंतप्रधान नरेंद्र मोदी यांच्यावर अशोभनीय टीका केली म्हणून मालदीव सरकारने तीन मंत्र्यांना निलंबित केले. दुसरीकडे, सोमवारी भारत सरकारने मालदीवच्या उच्चायुक्तांना बोलावले. वादाच्या पार्श्वभूमीवर अनेक भारतीयांनी मालदीवला भेट देण्याची योजना रद्द केली.
मंत्र्यांच्या बेजबाबदार वक्तव्यामुळे देशाच्या अर्थव्यवस्थेचा कणा मानल्या जाणाऱ्या पर्यटन बाजाराला धोका निर्माण झाल्याचे येथील विरोधी पक्षनेत्यांच्या वक्तव्यावरून दिसून येते. (Latest Marathi News)
मालदीवची अर्थव्यवस्था त्याच्या पर्यटन क्षेत्रावर खूप अवलंबून आहे. पर्यटन हा येथील परकीय चलन आणि सरकारी कमाईचा मुख्य स्त्रोत आहे. मालदीवच्या जीडीपीमध्ये पर्यटनाचा थेट वाटा एक चतुर्थांश आहे आणि अप्रत्यक्षपणे जीडीपीचा खूप मोठा वाटा आहे. याशिवाय पर्यटन हेही येथील थेट रोजगाराचे प्रमुख साधन आहे. मालदीवमधील लोकांच्या रोजगाराच्या संधींमध्ये पर्यटनाचा वाटा एक तृतीयांशपेक्षा जास्त आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
