Jitendra Awhad: "जितेंद्र आव्हाड समोर आले तर त्यांचा वध करणार"; अयोध्येतील परमहंस आचार्य महाराजांचा इशारा

Jitendra Awhad: राष्ट्रवादी काँग्रेसचे शरद पवार गटातील नेते जितेंद्र आव्हाड यांनी भगवान राम यांच्याबाबत वादग्रस्त विधान केले आहे. जितेंद्र आव्हाड यांनी राम आमचा आणि तो बहुजन असल्याचं वादग्रस्त विधान केलं. राम शाकाहारी नव्हते तर मांसाहारी होते. ते शिकार करून खायचे. त्यांच्या वक्तव्याबाबत आता भाजप आणि अजित गटाच्या नेत्यांमध्ये नाराजी आहे. राष्ट्रवादी काँग्रेसच्या अजित गटाच्या कार्यकर्त्यांनी मुंबईत आव्हाडांच्या विरोधात निदर्शने केली. त्यावरून पोलिसांनी त्याला ताब्यात घेतले. 

दरम्यान, अयोध्येतील परमहंस आचार्य महाराज आव्हाड यांच्या वक्तव्यावर आक्रमक झाले आहेत. जितेंद्र आव्हाडांना संत समाज माफ करणार नाही. ते समोर आले तर त्यांचा वध करणार, असा इशारा  परमहंस आचार्य महाराज यांनी दिला. (Latest Marathi News)

परमहंस आचार्य महाराज म्हणाले, "जितेंद्र आव्हाड यांच्यावर कडक कारवाई झाली नाही तर मी स्वत: त्या व्यक्तीचा वध करणार आहे. २४ तासात त्यांच्यावर कारावई करावी, हा माझा केंद्र आणि राज्य सरकारला इशारा आहे. मर्यादा पुरुषोत्तम भगवान श्रीराम यांचा कोणीही अपमान केला तर त्याला जीवंत सोडल्या जाणार नाही."

काय म्हणाले होते जितेंद्र आव्हाड?

जितेंद्र आव्हाड म्हणाले की, राम आमचा आहे, बहुजनांचा आहे. राम शिकार करून खात असे. आम्ही शाकाहारी व्हावे अशी तुमची इच्छा आहे, पण आम्ही रामाला आमची मूर्ती मानतो आणि मटण खातो. हा रामाचा आदर्श आहे. तो शाकाहारी नव्हता तर मांसाहारी होता. १४ वर्षे जंगलात राहणारा माणूस शाकाहारी अन्नाच्या शोधात कुठे जाईल? हे योग्य की अयोग्य? मी नेहमीच बरोबर असतो.

याशिवाय राष्ट्रवादीच्या नेत्याने महात्मा गांधींबाबतही वादग्रस्त विधान केले आहे. ते म्हणाले की, महात्मा गांधींच्या हत्येमागचे खरे कारण जातिवाद आहे कारण ते ओबीसी होते आणि ते इतके मोठे नेते झाले हे या लोकांना सहन होत नाही.