मुंबई : बच्चा असं संबोधत रोहित पवारांना डिवचणाऱ्या अजितदादांना आता रोहित पवारांनी प्रत्युत्तर दिलं आहे. एक व्हिडिओ ट्विट करत त्यांनी अजित पवारांना निशाणा बनवलं आहे. अजित पवारांनी दुपारी पत्रकार परिषदेत बोलताना ही शेलक्या शब्दात टीका केली होती. (NCP Rohit Pawar reply to DCM Ajit Pawar who called him Bacha)
अजित पवारांनी बच्चा काय म्हटलं?
रोहित पवार यांच्या मालकीच्या 'बारामती अग्रो' या कंपनीच्या ठिकाणांवर ईडीनं नुकतीच कारवाई केली. या कारवाईवर भाष्य करताना रोहित पवारांनी अजित पवारांना टार्गेट केलं होतं. ते म्हणाले होते की, "सात-आठ दिवसांपूर्वी दिल्लीत कोण गेलं होतं? मागच्या सात दिवसात कोण कुठे गेलं? हे पाहाणं महत्त्वाचं आहे. (Marathi Tajya Batmya)
मी चूक केली असती तर अजितदादांसोबत भाजपमध्ये जावून बसलो असतो. पण आमच्यासाठी विचार महत्त्वाचा आहे, महाराष्ट्र धर्म आणि अस्मिता महत्त्वाची आहे. माझा आक्षेप ईडीच्या अधिकाऱ्यांवर नाही. त्यांना दिलेलं काम ते करत असतात"
आरोपांवर अजित पवारांनी काय दिलं उत्तर?
पुणे दौऱ्यावर असताना अजित पवारांनी माध्यमांशी संवाद साधला. यावेळी पत्रकारांनी रोहित पवारांनी केलेल्या टीकेबाबत त्यांना विचारलं असता ते म्हणाले की, "तो बच्चा आहे, बच्चाबद्दल जास्त बोलायचं नसतं. त्याच्या प्रश्नांना मी उत्तरं द्यावीत, एवढा तो मोठा नाही. माझे कार्यकर्ते आणि प्रवक्ते त्याला उत्तर देतील" (Latest Marathi News)
बच्चा संबोधनावर रोहित पवारांचं प्रत्युत्तर
अजित पवारांनी पत्रकार परिषदेत रोहित पवारांना बच्चा संबोधल्यानंतर रोहित पवारांनी त्यांना प्रत्युत्तर दिलं आहे. त्यांनी एका जुन्या हिंदी सिनेमाच्या गाण्याची एक क्लीप शेअर केली आहे. या गाण्याचे बोल आहेत, "बच्चे मन के सच्चे, जगके आखों के तारे..." पण या गाण्याच्या अनुषंगानं रोहित पवारांनी सूचकपणे या ट्विटला कॅप्शन दिलं "बच्चा है पर मन का सच्चा है! दिल है साफ, नफरत से है दूर..." (Latest Maharashtra News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
