मुंबई - राष्ट्रवादी काँग्रेसमध्ये या महिन्याच्या सुरुवातीला मोठी फूट पडली. या फुटीमुळे महाराष्ट्राच्या राजकारणात मोठा भूकंप झाला. दुसरीकडे अर्थमंत्री अजित पवार यांच्याकडून आमदार जयंत पाटील सर्वाधिक निधी दिल्याची चर्चा समोर आली होती. यावर राष्ट्रवादी काँग्रेसचे प्रदेशाध्यक्ष जयंत पाटील यांनी स्पष्टीकरण दिलं आहे.
राष्ट्रवादी काँग्रेसमध्ये फूट पडल्यानंतर पक्षात दोन गट तयार झाले. अजित पवार गट आणि शरद पवार गट असे दोन गट तयार झाले आहेत. यामध्ये अजित पवार गट सत्तेत सामील झाला असून अजित पवार यांच्याकडे अर्थखात्याची धुरा सोपविण्यात आली आहे. मात्र अजित पवार यांनी अर्थखात्याचा भार घेतल्यापासून आमदारांना देण्यात येणाऱ्या निधीची चर्चा रंगली आहे.
अजित पवार यांनी आमदारांना मोठ्या प्रमाणात निधीचे वाटप केले आहे. यामध्ये राष्ट्रवादी काँग्रेसच्या आमदारांना अजित पवार यांच्याकडून भरघोस निधी देण्यात आला आहे. सत्तेतील शिवसेना आणि भाजप आमदारांपेक्षा राष्ट्रवादी काँग्रेसच्या आमदारांना अधिक निधी भेटला आहे. त्यातच राष्ट्रवादी काँग्रेसच्या सर्व आमदारांमध्ये जयंत पाटील यांना सर्वाधिक ५८० कोटी निधी देण्यात आल्याचा दावा काही माध्यमांमधून करण्यात आला होता.
दरम्यान जयंत पाटील यांनी हे वृत्त फेटाळलं आहे. ५८० कोटी रुपये निधी मिळाला हे खरं नाही. केवळ २० ते २२ कोटी रुपये निधी मिळाल्याचं पाटील यांनी स्पष्ट केलं. केवळ गैरसमज पसरविण्यात येत असल्याचा आरोपही पाटील यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
