केंद्रीय मंत्री नारायण राणे आणि नितेश राणे यांना आज मालवणी पोलिसांनी चौकशीसाठी बोलावलं होतं. त्यानंतर तब्बल ८ तास चौकशीसाठी थांबवण्यात आलं आहे. त्यानंतर आता मालवणी पोलीस ठाण्याबाहेर कार्यकर्त्यांनी गोंधळ सुरु केला आहे. यावेळी पोलिसांनी बळाचा वापर केला. राणे पिता-पुत्र आज दुपारी पावणेदोनच्या दरम्यान समर्थकांसह मालवणी पोलीस ठाण्यात दाखल झाले होते.
केंद्रीय मंत्री आणि भाजप नेते नारायण राणे (Narayan Rane) आणि त्यांचे पुत्र आमदार नितेश राणे (Nitesh Rane) हे मुंबईतील मालवणी पोलीस ठाण्यात हजर झाले. मालवणी पोलिसांनी राणे पिता-पुत्रांना दिशा सालियान (Disha Salian) प्रकरणी गुन्हा दाखल झाला असून त्यांना चौकशीसाठी नोटीस बजावली होती. दरम्यान, मालवणी पोलीस ठाण्याबाहेर भाजपचे कार्यकर्ते आणि समर्थकांनी जोरदार घोषणाबाजी केली.
काय म्हणाले होते राणे?
नारायण राणे यांनी पत्रकार परिषद घेत दिशा सालियान मृत्यूप्रकरणात गंभीर आरोप केले होते. दिशा सालियानची आत्महत्या नव्हे तर हत्याचा झाल्याचा आरोप करताना आक्षेपार्ह आरोप राणेंनी केले होते. त्यानंतर दिशाचं मृत्यूप्रकरण पुन्हा एकदा चर्चेत आलं. त्यानंतर मुंबईच्या महापौर किशोरी पेडणेकर यांनी राज्य महिला आयोगाला पत्र लिहून दिशाची बदनामी केली जात असल्याचं म्हटलं होतं. त्यानंतर महिला आयोगानं पोलिसांनी या प्रकरणी चौकशी अहवाल सादर करण्याचे आदेश दिले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
