निलेश राणे यांंनी नुकतीच एक्स या सोशल मीडिया प्लॅटफॉर्मवर धक्कादायक पोस्ट केली आहे. त्यामध्ये त्यांनी दावा केला आहे की, राज्यात फार मोठी दंगल घडवण्याचा कट रचला जात आहे.
आपल्या पोस्टमध्ये राणे म्हणाले, "महाराष्ट्रामध्ये एक फार मोठी दंगली घडवण्याचा कट रचला जात आहे. मालवणनंतर रत्नागिरीमध्ये काल रात्री मारुती मंदिर जवळ मावळ्यांच्या पुतळ्यांची विटंबना करण्यात आली. या घटना फार विचार करून आणि नियोजनबद्ध पद्धतीने केलेल्या आहेत. आपण सगळ्यांनी तिथेच जमायचं."
दरम्यान मालवणमधील राजकोट किल्ल्यावर गेल्या आठवड्यात घडलेल्या दुर्घटनेनंतर राज्यातील वातावरण तापले आहे. गेल्या आठवड्या खासदार नारायण राणे व निलेश राणे राजकोट किल्ल्यावर दुर्घटनेची पाहणी करण्यासाठी गेले होते. तेव्हा तेथे आमदार अदित्य ठाकरे आणि महाविकास आघाडीचे नेतेही उपस्थित होते. त्यावेळी राणे आणि ठाकरे समर्थकांमध्ये मोठा राडा झाला होता. दोन्ही बाजूने जोरदार हाणामारी करण्यात आली होती. याचे काही व्हिडिओही सोशल मीडियावर व्हायरल झाले होते.
दुसरीकडे महाविकास आघाडीने काल मुंबईत सत्ताधाऱ्यांना जोडे मारो आंदोलन केले होते. त्यानंतर दोन्हीकडून आरोप प्रत्यारोप करण्यात येत आहेत.
रविवारी अहमदनगरमध्ये रामगिरी महाराज यांच्या समर्थनार्थ आणि बांगलादेशातील हिंदूंवर होणाऱ्या आत्याचाराविरोधात मोर्चा काढला होता. या मोर्चात बोलताना नितेश राणे यांनी अनेक वादग्रस्त विधाने केली होती. त्यानंतर नगर पोलिसांनी त्यांच्याविरोध गुन्हा दाखल केला आहे.
येत्या काही दिवसांत महाराष्ट्रात विधानसभा निवडणुका होणार आहेत. त्यामुळे राजकीय वातावरण ढवळून निघण्याची शक्यता आहे. अशात आता निलेश राणे यांच्या पोस्टमुळे आखणी खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
