राज्यभरातून आषाढी वारीसाठी वारकरी पंढरपूरला जात आहेत. काही लोक पायी जातात. तर काही लोक बसने, रेल्वेने जातात. तर आता वारीमुळे रेल्वे बस तुडूंब भरलेल्या असतात याच पार्श्वभुमीवर विदर्भातील वारकऱ्यांसाठी दिलासादायक बातमी समोर आली आहे. (Latest Marathi News)
आषाढी एकादशीसाठी पंढरपूरला जाणाऱ्या वारकऱ्यांसाठी विदर्भातून तीन विशेष रेल्वे गाड्या सोडण्याचा निर्णय रेल्वे मंत्रालयाने घेतला आहे. या रेल्वे गाड्या नागपूर, अमरावती व खामगाव या तीन ठिकाणांहून सुटणार आहेत. तर केंद्रीय मंत्री नितीन गडकरी यांनी रेल्वे मंत्रालयाला पत्र लिहून वारकऱ्यांसाठी विशेष रेल्वे सोडण्याची मागणी केली होती. त्यांची ही मागणी मान्य करण्यात आली आहे.(Latest Marathi News)
केंद्रीय मंत्री नितीन गडकरी यांनी रेल्वे मंत्रालयाला पत्र लिहून वारीसाठी विदर्भातून विशेष रेल्वे सोडव्या अशी मागणी केली होती. गडकरी यांच्या मागणीला रेल्वे मंत्रालयाकडून ग्रीन सिग्नल देण्यात आला आहे. विदर्भातून आता वारीसाठी तीन विशेष रेल्वे सोडण्यात येणार आहेत.(Latest Marathi News)
या रेल्वे नागपूर, अमरावती आणि खामगावमधून सोडण्यात येणार आहेत. विशेष म्हणेज विदर्भातील बहुतांश जिल्ह्यात या रेल्वे गाड्यांना थांबा असल्यामुळे वारकऱ्यांना मोठा दिलासा मिळाला आहे. यामुळे एसटी बसला होणारी गर्दी देखील नियंत्रणात येण्याची शक्यता आहे.
दरम्यान नितीन गडकरी यांनी पाठवलेल्या पत्राची दखल घेत रेल्वे मंत्रालयाकडून वारकऱ्यांसाठी तीन विशेष रेल्वे गाड्या सोडण्याचा निर्णय घेण्यात आल्यामुळे नितीन गडकरी यांनी रेल्वे मंत्री अश्विनी वैष्णव यांचे आभार मानले आहेत.(Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
