राज्यातील उद्धव ठाकरे सरकारनेही येथे संसर्ग नियंत्रणात आणण्यासाठी अनेक निर्बंध लादले आहेत.
महाराष्ट्रात (Maharashtra) कोरोना विषाणूच्या (Covid-19) नव्या ओमिक्रॉन (Omicron) व्हेरिएंटची प्रकरणे सातत्याने वाढत आहेत. राज्यातील उद्धव ठाकरे (Uddhav Thackeray) सरकारनेही येथे संसर्ग नियंत्रणात आणण्यासाठी अनेक निर्बंध लादले आहेत. दरम्यान, अहमदनगर (Ahmednagar) जिल्ह्यात संसर्गाचा धोका कमी करण्यासाठी आणि लसीबाबत (Covid Vaccine) लोकांमध्ये जागरूकता निर्माण करण्यासाठी प्रशासनाने विशेष मोहीम राबवली आहे. (No vaccine no entry campaign is being implemented in Nagar district)
या मोहिमेचे नाव 'नो व्हॅक्‍सिन, नो एंट्री' (No Vaccine - No Entry) असे आहे. ही मोहीम 25 डिसेंबरपासून म्हणजेच आजपासून राबविण्यात येत आहे. या मोहिमेअंतर्गत ज्यांनी लस घेतली नसेल त्यांना सार्वजनिक ठिकाणी जाऊ दिले जाणार नाही. ज्यांनी लसीकरण केले नाही त्यांना मंगल कार्यालये, मॉल्स, सिनेमा हॉल, रेस्टॉरंट, सरकारी किंवा निमशासकीय कार्यालये किंवा इतर कोणत्याही सार्वजनिक ठिकाणी जाण्याची परवानगी नाही.
महाराष्ट्रातील अहमदनगर जिल्ह्यातील जवाहर नवोदय विद्यालयातील (Jawahar Navodaya Vidyalaya) 19 विद्यार्थ्यांना कोरोना विषाणूची लागण झाल्याचे आढळून आले आहे. एका वरिष्ठ अधिकाऱ्याने शुक्रवारी ही माहिती दिली. जिल्ह्यातील पारनेर तालुक्‍यातील टाकळी ढोकेश्वर गावात असलेली निवासी शाळा (Residential School) ही केंद्रीय शिक्षण मंत्रालयाच्या (Union Ministry of Education) अंतर्गत येणाऱ्या नवोदय विद्यालय नेटवर्कचा भाग आहे, असे अधिकाऱ्याने सांगितले. शाळेत पाचवी ते बारावीपर्यंत 400 पेक्षा जास्त विद्यार्थी आहेत.
जिल्हाधिकारी राजेंद्र भोसले (Rajendra Bhosle) म्हणाले, 'गेल्या तीन ते चार दिवसांत 19 विद्यार्थ्यांना कोरोनाची लागण झाल्याचे आढळून आले आहे. काहींना आयसोलेशनमध्ये पाठवण्यात आले असून काहींना रुग्णालयात दाखल करण्यात आले आहे. बहुतेक संक्रमित विद्यार्थ्यांमध्ये कोरोनाची कोणतीही लक्षणे नव्हती तर आणि काहींमध्ये फक्त सौम्य लक्षणे होती.
राज्यात कडक निर्बंध
कोविड-19 च्या वाढत्या प्रकरणांच्या पार्श्वभूमीवर महाराष्ट्र सरकारने (Maharashtra Government) शुक्रवारी रात्री 9 ते सकाळी 6 या वेळेत सार्वजनिक ठिकाणी पाचपेक्षा जास्त लोकांना एकत्र येण्यास बंदी घातली आहे. ख्रिसमसपूर्वी (Christmas) जारी करण्यात आलेली नवीन मार्गदर्शक तत्त्वे मध्यरात्रीपासून लागू झाली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
