CIDCO Homes: सिडकोची घरं विकताना आता NOC ची गरज नाही! बोर्ड मिटिंगमध्ये 'या' महत्वाच्या मुद्द्यांवर झाला निर्णय

मुंबई : सीटी अँड इंडस्ट्रिअल डेव्हलपमेंट कॉर्पोरेशन ऑफ महाराष्ट्र लि. (CIDCO) अर्थात सिडकोची बोर्ड मिटिंग नुकतीच पार पडली. यावेळी सिडकोच्या नव्या लॉटरीसह अनेक महत्वाचे निर्णय घेण्यात आले. यामध्ये सिडकोची घरं विकताना एनओसीची गरज भासणार नाही, असाही निर्णय घेण्यात आला. मुंबई येथील मुख्यालयात सिडकोची बोर्ड मिटिंग पार पडली. यानंतर सिडकोचे अध्यक्ष संजय शिरसाट यांनी बैठकीत नेमके काय निर्णय झाले याची माहिती दिली.

नेमके काय झाले निर्णय?

१) सिडकोच्या घरांवरील लीज होल्ड करता येणार

२) तसंच सिडकोची घरं फ्री होल्ड करण्याचा निर्णयही या बैठकीत घेण्यात आला.

३) त्याचबरोबर सिडकोची घरं विकताना सिडकोच्या एनओसी गरज नाही.

४) तसंच ही घरं विकतना पैसे लागत होते पण आता ते ही द्यावे लागणार नाहीत.

४) १०० मीटरच्यावर जी घरं असतील त्यांच्याकडून नाममात्र शुल्क आकारलं जाणार आहे.

५) नवी मुंबई, छत्रपती संभाजी नगर, नाशिक आणि नागपूर या शहरांत जी सिडकोची घरं आहेत तिथं या निर्णयाचा लोकांना फायदा होणार आहे.

सिडकोची निघणार लॉटरी

त्याचबरोबर सिडकोच्या घरांसाठी फ्रेश लॉटरी काढण्यात येणार आहे. ७ ऑक्टोबर रोजी सिडकोच्या घरांची लॉटरी निघणार आहे. नवी मुंबईत सिडकोच्या २६ हजार घरांची लॉटरी निघणार आहे. नवी मुंबईत घरं घेणाऱ्यांसाठी हे महत्वाचं असणार आहे.