राज्यात नव्या 4 ओमिक्रॉन रुग्णांची भर; मुंंबईत मात्र नोंद नाही

मुंबई : आज राज्यात 4 ओमिक्रॉन संसर्ग (omicron patients) बाधित रुग्णांची नोंद झाली. हे सर्व रुग्ण राष्ट्रीय विषाणू विज्ञान संस्थेने (National institute of virology) नमूद केले आहेत. वसई विरार, नवी मुंबई (Mumbai), मीरा भाईंदर आणि पनवेल येथील प्रत्येकी 1 रुग्ण ओमिक्रॉन बाधित आढळला आहे. आजपर्यंत राज्यात एकूण 454 ओमिक्रॉन विषाणू बाधित रुग्ण रिपोर्ट झाले आहेत. यातील 26 रुग्ण हे इतर राज्यातील तर प्रत्येकी 1 रुग्ण पालघर, जळगाव, नवी मुंबई, नाशिक, रायगड आणि औरंगाबाद येथील आहे. (Omicron new four patients found in Maharashtra)

7 रुग्ण ठाणे आणि 4 रुग्ण कोल्हापूर जिल्ह्यातील आहेत. तर 9 रुग्ण विदेशी नागरिक आहेत. मुंबई आंतरराष्ट्रीय विमानतळावरील सर्वेक्षणात हे रुग्ण आढळले आहेत.454 रुग्णांपैकी 157 रुग्णांना त्यांची आरटी-पीसीआर चाचणी निगेटिव्ह आल्यानंतर रुग्णालयातून घरी सोडण्यात आले आहे. आज मुंबईत एकाही ओमिक्रॉन बाधित रुग्णाची नोंद झाली नसून एकूण ओमायक्रॉन बाधित रुग्णांची संख्या 327 आहे.