Shivaji Maharaj Controversy: "...तर मला माझे कपडे विकायला लागतील", आमदार संतोष दानवेंचा वादग्रस्त व्हिडिओ व्हायरल

छत्रपती शिवाजी महाराज यांच्याबद्दल केलेल्या वक्तव्यांमुळे राज्यातील राजकीय वातावरण मागील काही दिवसांपासून चांगलच तापलेलं आहे. शिवाजी महाराज यांच्याबद्दल मागील काही दिवसांपासून वादग्रस्त वक्तव्य केली जात आहेत. आधी राज्यपाल भगतसिंह कोश्यारी त्यानंतर भाजप प्रवक्ते सुधांशु त्रिवेदी, त्यानंतर भाजप नेते प्रसाद लाड याच दरम्यान नवनवीन वाद समोर येताना दिसत आहेत. अशातच भाजपचे नेते केंद्रीय राज्यमंत्री रावसाहेब दानवे यांनीही काल शिवाजी महाराज यांचा एकेरी उल्लेख केला आणि पुन्हा राजकारण चांगलंच तापलं. त्यानंतर आज सोशल मिडियावर रावसाहेब दानवे यांचे सुपुत्र आमदार संतोष रावसाहेब दानवे यांचाही एक वादग्रस्त व्हिडिओ सोशल मिडियावर चांगलाच व्हायरल होतं आहे.

सोशल मिडियावर व्हायरल झालेल्या या व्हिडिओमध्ये काही लोक रावसाहेब दानवे यांचे सुपुत्र आमदार संतोष रावसाहेब दानवे यांना छत्रपती शिवाजी महाराज यांच्या पुतळ्याला एलईडी लाईट लावायला पैसे मागण्यासाठी गेल्यावर ते म्हणतात की, छत्रपती शिवाजी महाराज यांच्या पुतळ्याला एलईडी लावायला जर मी पैसे दिले तर मला माझे कपडे विकायला लागतील असं वक्तव्य संतोष रावसाहेब दानवे यांनी केलं आहे.

हे ही वाचा : शेतमजूर ते कॅनाॅल मॅन...जाणून घ्या एक यशोगाथा....

व्हिडिओमध्ये पुढे ते म्हणतात की, तुमचे स्थानिक नेते कोण आहेत त्यांना मी सांगतो पैसे द्यायला, मी असे पैसे वाटत नाही. जेव्हा पैसे मागण्यासाठी आलेले लोक त्यांना पैसे देण्यासाठी पुन्हा विचारतात तेव्हा ते चल निघ रे म्हणतात. हा व्हिडिओ सोशल मिडियावर व्हायरल होताना दिसत आहे. एकीकडे शिवाजी महाराजांच्या पुतळ्यासाठी लाखों कोटी रुपये खर्च करत असतानाच आमदार शिवाजी महाराज यांच्या पुतळ्याला एलईडी लाईट लावायला पैसे द्यायला नाकारतो हे पाहून सोशल मिडियावर रोष व्यक्त केला जात आहे.

तर कालच केंद्रिय राज्यमंत्री रावसाहेब दानवे यांनी शिवरायांचा एकेरी उल्लेख केल्याचा व्हिडीओ सोशल मीडियावर व्हायरल होत होता. मात्र, हा वादग्रस्त व्हिडीओ व्हायरल होताच दानवे यांनी माफी मागितली आहे. अशातच या नव्या वादग्रस्त व्हिडिओमुळे पुन्हा एक नवा वाद निर्माण होण्याची शक्यता आहे. परंतु हा व्हिडिओ 2012 सालचा आहे.