मुंबईः भाजप नेते तथा विधान परिषदेचे आमदार गोपीचंद पडळकर यांनी पुन्हा एकदा अजित पवार आणि पवार कुटुंबियांवर टीकास्र सोडलं आहे. मागे त्यांनी लबाड लांडग्याचं पिल्लू असं म्हणत अजित पवारांवर घणाघात केला होता. त्यानंतर त्यांना नोटीस पाठवण्यात आलीय.
सोमवारी पु्न्हा गोपीचंद पडळकर यांनी अजित पवार शरद, शरद पवार आणि सुप्रिया सुळे यांच्यावर टीकास्र सोडलं. एका कार्यक्रमात बोलताना त्यांनी एसटीडींच्या नादी लागू नका, गुलामगिरीतून बाहेर पडाल तर तुम्ही राजे व्हाल, असं आवाहन धनगर समाजबांधवांना केलं.
गोपीचंद पडळकर म्हणाले की, ''STD मधील एस म्हणजे साहेब, टी म्हणजे ताई आणि डी म्हणजे दादा. यांच्या नादात तुम्ही किती दिवस गुरफटणार? गुलामगिरीममधून बाहेर पडा.. साहेब, ताई, दादा म्हणायचं सोडून द्या; आपला साहेब एकच आहे डॉ. बाबासाहेब आंबेडकर.''
''मी जेव्हा धनगर जागर यात्रा काढली तेव्हा लांडग्यांची सगळी पिल्लं कामाला लागली, विष पेरायला लागली. परंतु जेव्हा धनगर जागा होत तेव्हा प्रस्थापितांची झोप उडते'' असं म्हणत गोपीचंद पडळकरांनी पुन्हा एकदा शरद पवार, सुप्रिया सुळे आणि अजित पवारांवर टीका केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
