Pankaja Munde : 'राजकीय ब्रेक'नंतर पंकजा मुंडे परतल्या; रेणुका मातेचे दर्शन घेऊन...

नांदेड - आपल्या राजकीय ब्रेकनंतर परतलेल्या भाजपनेत्या आणि माजी मंत्री पंकजा मुंडे यांनी नांदेड येथे आज रेणुका मातेचे दर्शन घेतले. हे कुलदैवत आणि प्रेरणास्थान आहे, यातून ऊर्जा मिळते. श्रावण महिन्यामध्ये मी शिवशक्ती परिक्रमा करणार असल्याचं पंकजा यांनी नमूद केलं.

पंकजा पुढे म्हणाल्या की, महाराष्ट्रातील सर्व शक्तीपीठे तसेच बारा ज्योतिर्लिंगांचे मी दर्शन घेणार आहे. त्याची सुरुवात आज रेणुका मातेच्या दर्शनाने केली आहे. (Latest Marathi News)

काही दिवसांपूर्वीच पंकजा मुंडे यांनी आपण राजकीय सुट्टीवर जात असल्याचं म्हटलं होतं. त्यामुळे मागील काही दिवसांत त्या कुठल्याही राजकीय कार्यक्रमात दिसून आल्या नव्हत्या. आज पंकजा यांनी रेणूका मातेचं दर्शन घेतलं. यावेळी धनंजय मुंडे यांच्याबद्दल प्रश्न विचारला असता पंकजा यांनी उत्तर देणे टाळले. (Marathi Tajya Batmya)

सध्याच्या राजकारणाचा कंटाळा आला आहे. त्यामुळे आपण दोन महिन्यांसाठी राजकीय ब्रेकवर जात असल्याची घोषणा पंकजा मुंडे यांनी केली होती. त्यानुसार त्या दोन महिन्यांसाठी ब्रेकवर गेल्या होत्या.