Pasha Patel: पाशा पटेल यांना कॅबिनेट मंत्रिपदाचा दर्जा!

Pasha Patel : राज्य कृषी मूल्य आयोगाच्या अध्यक्षांना मंत्रिपदाचा दर्जा देण्याचा शासन निर्णय मंगळवारी कृषी व पदुम विभागाकडून जारी करण्यात आला. त्यानुसार राज्य कृषी मूल्य आयोगाचे अध्यक्ष पाशा पटेल यांना कॅबिनेट मंत्रिपदाचा दर्जा मिळाला आहे.

पाशा पटेल म्हणाले, की या पदाचा वापर शेतकऱ्यांच्या हितासाठी करणार आहे. दिल्लीत शेतीविषयक मते मांडण्यासाठी योग्य पद हाती असायला हवे, अशी शेतीतज्ज्ञांची भूमिका होती. त्यामुळे दिल्लीत शेतकऱ्यांच्या समस्यांसाठी भांडू शकतो. महायुतीने माझ्यावर विश्वास ठेवल्याने मी आभारी आहे.

शेतकरी चळवळीतून पुढे आलेले आक्रमक नेते म्हणून पाशा पटेल यांची राज्यभरात ओळख आहे. महायुतीचे सरकार आल्यानंतर त्यांनी भाजपमध्ये प्रवेश केला होता. २०१७ मध्ये त्यांची राज्य कृषी मूल्य आयोगाच्या अध्यक्षपदी नियुक्ती करण्यात आली होती. (Latest Marathi News)