फोन टॅपिंग प्रकरण: नवाब मलिकांचा जबाब नोंदवण्याची न्यायालयाची परवानगी

नवी मुंबई : फोन टॅपिंग प्रकरणात नवाब मलिकांचा जबाब नोंदवण्याची परवानगी न्यायालयाकडून मुंबई पोलिसांनी दिली आहे. राज्यभरामध्ये फोन टॅपिंगटचे प्रकरण गाजत आहे. आता मुंबई पोलिसांच्या सायबर सेलची शाखा यासंदर्भात मलिकांची चौकशी करणार आहे.

(Nawab Malik Phone Tapping Case)

रश्मी शुक्ला यांच्या संबंधित फोन टॅपिंगचा आरोप नवाब मलिकांनी केले होते. या प्रकरणात त्यांच्याकडे कोणती माहिती आहे हे पोलिसांना जाणून घ्यायचे होते. त्यानंतर मुंबई पोलिसांनी गुन्हा दाखल करत चौकशी चालू केली होती. पण मागील काही दिवसांत त्यांच्यावर ईडीने कारवाई केली होती. ते सध्या न्यायालयीन कोठडीत आहेत. त्यामुळे मलिकांचा जबाब मुंबई पोलिसांना नोंदवण्यात आला नव्हता. या प्रकरणात जबाब नोंदवण्याची परवानगी न्यायालयाने दिली आहे.

सध्या नवाब मलिक हे कोर्टाच्या परवानगीने मुंबईतील खासगी रूग्णालयात उपचार घेत आहे. पण पोलिस आता रूग्णालयात जावून जबाब नोंदवणार की, त्यांची रूग्णालयातून सुटका होण्याची वाट पाहणार हे बघावं लागणार आहे.

राज्य गुप्त वार्ता विभागाच्या तात्कालीन आयुक्त रश्मी शुक्ला यांनी फोन टॅपिंग केल्याचा आरोप त्यांच्यावर ठेवण्यात आला होता. दरम्यान परवानगी घेऊन त्यांनी राजकीय नेत्यांचे फोन टॅपिंग केल्याचं सांगितलं होतं. त्यांनतर तुम्हा मुख्यमंत्र्यांची परवानगी घेतली होती का? असा सवाल मलिकांनी विचारला होता.

त्यानंतर वकिलांनी शासकीय परवानगीने फोन टॅपिंग केल्याचा खुलासा केला होता पण त्यांनी दिशाभूल करून परवानग्या घेतल्या होत्या. देशद्रोह, राजद्रोहाच्या नावाखाली शुक्ला यांनी फोन टॅपिंगच्या परवानग्या घेतल्या होत्या असा आरोप मलिकांनी केला होता.