कर्तव्यांकडे दुर्लक्ष; बंडखोरांविरोधात जनहित याचिका, कामावर परतण्याची मागणी

एकनाथ शिंदेंसह शिवसेना नेत्यांच्या बंडाचा आज सातवा दिवस आहे. हे बंड आता केवळ महाराष्ट्रापुरतं मर्यादित न राहता सर्वोच्च न्यायालयातही पोहोचलं आहे. दरम्यान, या बंडखोरांविरोधात आता मुंबई उच्च न्यायालयात जनहित याचिका दाखल करण्यात आली आहे. (Mumbai High Court PIL filed against rebel Shivsena mlas)

एकनाथ शिंदे (Eknath Shinde) आणि इतर बंडखोर शिवसेना आमदारांविरुद्ध जनहित याचिका दाखल करण्यात आली आहे. ज्यामध्ये त्यांच्या अधिकृत कर्तव्यांकडे दुर्लक्ष केल्याबद्दल आणि त्यांना कार्यालयात पुन्हा कामावर येण्यासाठी निर्देश देण्याची मागणी केली आहे. मुंबई हायकोर्टात (Mumbai High Court) ही जनहित याचिका दाखल करण्यात आली आहे.

शिंदे आणि इतरांनी आपल्या कर्तव्याचा निर्वाहन न करण्याचा याचिकेत आरोप करण्यात आला आहे. तर कोर्टाने या सर्वांना कामावर परत येण्यासाठी निर्देश द्यावा अशी मागणीही या याचिकेत करण्यात आली आहे. उत्पल बाबुराव चंदवार आणि इतर लोकांनी मुंबई हायकोर्टात ही याचिका दाखल केली आहे.