मुख्यमंत्री एकनाथ शिंदे यांच्या ठाणे जिल्ह्यात धक्कादायक घटना घडली आहे. ठाण्यातील कोसळेवाडी पोलीस स्टेशनच्या हद्दीत १५ वर्षीय मुलीवर सामूहिक बलात्कार केल्याची धक्कादायक घटना घडली आहे. या घटनेने संपूर्ण जिल्हा हादरून गेला आहे.
या घटनेत चार जणांना कोसळेवाडी पोलिसांनी अटक केली असून आरोपींमध्ये एका अल्पवयीन मुलाचाही समावेश आहे. त्यांच्याविरोधात आयपीसी कलम ३७६ (ड) आणि पोक्सो कायद्यांर्गत गुन्हा दाखल करण्यात आला आहे. याप्रकरणी पोलीस पुढील तपास करीत आहेत.
पोलीस अधिकाऱ्याने दिलेल्या माहितीनुसार, पीडित मुलगी गुरुवार पासून बेपत्ता होती. पोलिसांनी शोधा शोध केल्यानंतर ती शनिवारी कल्याण रेल्वे स्थानकावर सापडली. त्यानंतर तिच्यासोबत घडलेला संपूर्ण प्रकार तिने पोलिसांना सांगितला. त्यानंतर कोसळेवाडी पोलिसांनी चार जणांविरोधात गुन्हा दाखल करत त्यांना अटक केली आहे.
मिळालेल्या माहितीनुसार, पीडित मुलगी आणि मुख्य आरोपी यांच्यात फेसबूकवर मैत्री झाली होती. चॅट करत असताना आरोपीने तिला बोलावून घेतले आणि त्याच्या सोबत असलेल्या तीन मित्रांसह तिच्यावर बलात्कार केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
