Bacchu Kadu: बच्चू कडू नाराज! थोपटले शिंदे-फडणवीसांविरोधात दंड; आता लढणार...

Bacchu Kadu: माजी मंत्री आणि प्रहार पक्षाचे अध्यक्ष आमदार बच्चू कडू दिवसेंदिवस शिंदे-फडणवीस सरकारवर नाराज होताना दिसत आहेत. जेव्हा सरकार स्थापन झालं त्यावेळी मंत्री पद मिळालं नाही म्हणून जाहीर नाराजी बोलून दाखवली होती. मात्र अजून ही त्यांना सरकारमध्ये मंत्री पदाची संधी दिली नाही.

दरम्यान आता बच्चू कडू यांनी पुन्हा नाराजी बोलून दाखवली आहे. राज्यात पदवीधर व शिक्षक निवडणुका लागल्या आहेत. मात्र या निवडणुकीची भाजप - शिंदे गटाने दखल न घेतल्याने ही निवणुक प्रहार स्वतंत्र लढणार असल्याचे बच्चू कडू यांनी जाहीर केले आहे.

यंदाच्या निवडणुकीत प्रहार संघटना व मेस्टा संघटना शिक्षक व पदवीधर राज्यातील पाचही मतदार संघात लढणार असल्याचे आमदार कडू यांनी जाहीर केले आहे. आमदार बच्चू कडू आज माध्यमांशी बोलत होते ते म्हणाले शिक्षक व पदवीधर मतदार संघाची निवडणूक भाजप-शिंदे गट एकत्र लढणार होतो मात्र कोणीच दखल घेतली नाही.

मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनीही प्रस्तावाची दखल घेतली नसल्याने बच्चू कडू यांनी नाराजी व्यक्त केली. तर ते म्हणाले आम्ही या निवडणूकीसाठी दोन वर्षात प्रचंड मेहनत घेतली आहे. त्यामुळे प्रहार संघटना आणि मेस्टा संघटना शिक्षक व पदवीधरचे राज्यातील पाचही जागा लढवणार आहोत. बच्चू कडू यांनी उमेदवार देखील जाहीर केले आहेत.

हेही वाचा-द मिसिंग टाइल सिंड्रोम ठेवा आपल्यापासून दूर