सोलापूर : येथील कृषी उत्पन्न बाजार समितीत मागील तीन दिवसांत तब्बल ११६४ गाड्या कांदा आवक झाला आहे. आता जुन्या कांद्याची आवक कमी होऊन नवी कांदा बाजारात येवू लागला आहे. बुधवारी (ता. २३) बाजार समितीत कांद्याला प्रतिक्विंटल दोन हजार ३०० रुपये तरे पाच हजार ६०० रुपयांपर्यंत भाव मिळाला. बुधवारी नवीन कांद्याला अडीच ते पाच हजारांपर्यंत भाव मिळाला आहे.
जिल्ह्यातील ३० हजार हेक्टरवर यंदा कांदा लागवड झाली असून पावसाळ्याच्या सुरवातीला लावलेला कांदा आता बाजारात येवू लागला आहे. पण, सतत पाऊस पडत असल्याने अनेकांचा कांदा जागेवरच खराब झाला असून अपेक्षित उत्पादनातही मोठी घट झाली आहे. त्यामुळे व्यापाऱ्यांच्या मागणीच्या प्रमाणात बाजारात कांदा कमी असल्याने भाव समाधानकारक मिळत आहे. बांग्लादेशातही कांद्याची मागणी वाढली असून आगामी काळात दरात आणखी सुधारणा अपेक्षित आहे.
अजूनही सोलापूर बाजार समिती कांद्याची आवक कमीच असून मागील तीन दिवसांत एक हजार १६४ गाड्या कांदा आला आहे. ही आवक यंदाच्या वर्षातील उच्चांकी आवक आहे. जुन्या कांद्यापेक्षा आता नवीन कांदाच अधिक असल्याचे बाजार समितीकडून सांगण्यात आले. कर्नाटकासह सोलापूर, पुणे, धाराशिव, नाशिक, सातारा येथून सोलापूर बाजार समितीत कांदा विक्रीसाठी येत आहे. आता पावसाळा संपल्याने वाहतूक व्यवस्था सुरळीत झाल्याने व्यापाऱ्यांना खरेदी केलेला कांदा न्यायला अडचणी राहिलेल्या नाहीत. याशिवाय कांद्याला मागणीही वाढत असल्याने आगामी काळात कांद्याचे दर वाढतील, अशी शेतकऱ्यांना आशा आहे.
तीन दिवसातील आवक
सोमवारी बाजार समितीत ४३७ गाड्या कांदा आला होता. प्रतिक्विंटल २४०० ते ४९०० पर्यंत भाव मिळाला.
मंगळवारी ३४५ गाड्या कांद्याची आवक होती. त्यासाठी प्रतिक्विंटल २६०० रुपये ते ५१०० रुपयांपर्यंत दर होता.
बाजार समितीत बुधवारी ३८२ गाड्या कांदा आला होता. सरासरी भाव २३०० तर सर्वाधिक दर ५६०० रुपयांपर्यंत मिळाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.