बीड - केंद्रीयमंत्री रामदास आठवले आपल्या कवितांसाठी संपूर्ण महाराष्ट्रात परिचीत आहेत. मात्र खासदार प्रीतम मुंडे यांनी आज आठवले यांच्याच स्टाईलमध्ये कविता म्हणून दाखवली. बीड येथे आयोजित कार्यक्रमात प्रीतम मुंडे यांनी ही कविता म्हणून दाखवली.
प्रीतम मुंडे यांनी बीड येथील दिव्यांगांना साहित्य वाटपाच्या कार्यक्रमात रामदास आठवले यांच्यावर कविता केली. यावेळी व्यासपीठावर केंद्रीय राज्यमंत्री रामदास आठवले यांची उपस्थित होती. प्रीतम मुंडे म्हणाल्या दिव्यांगांना केलेली ही मदत म्हणजे फार काही मोठी नाही. परंतु त्यांच्या अडचणी सोडवण्यासाठी केलेला छोटासा प्रयत्न आहे.
या मदतीसाठी मंत्री रामदास आठवले यांनी मोठे सहकार्य केले. यामुळेच बीडमधील दिव्यांगांना हे साहित्य मिळू शकले असे खासदार प्रीतम मुंडे म्हणाल्या आहे. प्रीतम मुंडे यांनी केलेली कविता,
"दिव्यांगांनी आयुष्य मोठ्या संघर्षाने वठवलं
मोदीजींनी त्यांच्यासाठी सन्मानाचं जीवन पाठवलं
हे चित्र बीडकरांनी आपल्या मनात साठवलं,
आणि देवदूत ठरले आमचे रामदास आठवले."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
