'नरेंद्र मोदी केवळ गुजरातचेच पंतप्रधान आहेत, असे वागत आहेत'

कऱ्हाड (जि. सातारा) : पंतप्रधान देशाचा असतो. मात्र नरेंद्र मोदी (narendra modi) केवळ गुजरातचेच (gujarat) पंतप्रधान आहेत, असे वागत आहेत, अशी टिका माजी मुख्यमंत्री आमदार पृथ्वीराज चव्हाण (prithviraj chavan) यांनी ट्विट करुन केली आहे. (prithviraj chavan questions why narendra modi behaving pm of gujarat)

तौक्ते चक्रीवादळामुळे (tautkae cyclone) गुजरातमध्ये मोठे नुकसान झाले आहे. त्या पार्श्वभुमीवर पंतप्रधान नरेंद्र मोदी यांनी बुधवारी ता.18 गुजरातचा हवाई दौरा केला. मात्र त्या चक्रिवादळाचा फटका महाराष्ट्रालाही (maharashtra) बसला असताना पंतप्रधान मोदी महाराष्ट्राच्या समुद्र किनारपट्टीकडे फिरकले नाहीत. त्यावरून पृथ्वीराज चव्हाण यांनी जोरदार टिका केली. नरेंद्र मोदी केवळ गुजरातचे पंतप्रधान असल्यासारखे का वागत आहेत, असा प्रश्न पृथ्वीराज चव्हाण यांनी ट्विट करुन विचारला आहे.

चक्रीवादळाने देशाची पश्चिम किनार पट्टी उध्वस्त केली. त्याचा परिणाम पाच राज्यांत झाला आहे. मात्र तरीही पंतप्रधान मोदी यांनी फक्त गुजरातचा दौरा केला व आर्थिक मदत जाहीर केली आहे. त्यामुळे मोदी गुजरातचे पंतप्रधान आहेत, असे वागत आहेत. ते असे का वागतात, असा प्रश्न उपस्थीत करून मोदी यांचे अन्य राज्य व तेथील लोकांकडे दुर्लक्ष होत आहे, याकडेही चव्हाण यांनी लक्ष वेधून प्रश्न उपस्थीत केला आहे.

सातारा जिल्ह्यातील बातम्या वाचा

prithviraj chavan questions why narendra modi behaving pm of gujarat