पुणेः पुणे शहरातील काही भागांमध्ये पावसाला सुरुवात झाली आहे. शहरातील औंध, बाणेर रोड, विद्यापीठ परिसर, सांगवी या भागात जोरदार स्वरुपाच्या पावसाला सुरुवात झाली आहे.
यावर्षी मान्सून लांबणार अशा शक्यता वर्तवण्यात येत आहेत. मात्र मान्सूनपूर्व पावसाने नागरिकांची तारांबळ उडाली आहे. पुणे शहरात सध्या जोरदार पाऊस सुरु झाला आहे. त्यामुळे शहरातील मुख्य रस्त्यांवर वाहतूक कोंडीची समस्या निर्माण झाली आहे.
दरम्यान, आज दुपारनंतर राज्यातील अनेक जिल्ह्यांमध्ये वादळी वाऱ्यासह पावसाचा अंदाज वर्तवण्यात आलेला आहे. यामध्ये अहमदनगर, नाशिक, पुणे, सातारा, सोलापूर बीड, छत्रपती संभाजीनगर, धाराशिव, लातूर, नांदेड, बुलढाणा, वाशिम, अकोला, यवतमाळ, अमरावती, वर्धा, चंद्रपूर, मुंबई, रायगड या जिल्ह्यांचा समावेश आहे.
बाणेर, पाषाण या भागामध्ये पावसाला सुरुवात झाली आहे. वातावरणात गारवा पसरला असला तरी खड्ड्यांमुळे किरकोळ अपघात होत आहेत. शिवाय या भागांमध्ये वाहतूककोंडी झाल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.