पुण्यात आज एकाचवेळी दोन आंदोलने चालू आहेत. एक पुणे विद्यापीठात तर दुसरं वेदांता फॉक्सकॉन प्रकल्प गुजरतला गेला यावरून पुण्यात दोन आंदोलने चालू आहेत. लांबलेल्या परीक्षा, विधी विभागाच्या निकालातील गोंधळ आणि पूर्णवेळ कुलगुरूंची रखडलेली नियुक्ती इत्यादी मागण्यांविरुद्ध अखिल भारतीय विद्यार्थी परिषदेने(ABVP) आज सावित्रीबाई फुले पुणे विद्यापीठाच्या आवारात आंदोलन केलं आहे.
विद्यापीठाचा कारभार व्हेंटिलेटरवर गेल्याचे आरोप करत ॲम्बुलन्स घेऊन अभावीपने आज विद्यापीठाच्या आवारात आंदोलन केलं आहे. परीक्षा विभागाला घेराव घालत विद्यार्थ्यांनी जोरदार घोषणाबाजीही सुरू केली आहे. विधी विभागाच्या अनेक अभ्यासक्रमांचे निकाल चुकीचे लागल्याचा आरोप विद्यार्थ्यांनी केले आहेत. प्रभारी कुलगुरूंना निर्णय घेण्याचा अधिकार नासल्यामुळं विद्यापीठ वाऱ्यावर असल्याचे आरोप अभाविप ने केले आहे. दरम्यान मागण्या पूर्ण करण्यासाठीही विद्यार्थी आक्रमक होत आहेत.
सावित्रीबाई फुले पुणे विद्यापीठात विविध मागण्यांसाठी सुरू असलेल्या आंदोलनाला आक्रमक वळण लागले. अखिल भारतीय विद्यार्थी परिषदेच्या कार्यकर्त्यांनी पुणे विद्यापीठाच्या परीक्षा नियंत्रकांच्या कार्यालयात घुसून आंदोलन केले. यावेळी सुरक्षा रक्षकांनी परीक्षा नियंत्रक कार्यालयाचे गेट बंद करण्यात आले होते. मात्र, विद्यार्थ्यांनी त्यांना न जुमानता प्रवेशद्वारमध्ये घुसून आंदोलन केले.
अभाविपच्या मागण्या :
- विधी विभागाच्या निकालात गोंधळ, निकालाचा पुनर्विचार करावा
- परीक्षांचे निकाल वेळेवर लावावेत
- विद्यापीठाच्या कुलगुरू, प्र-कुलगुरूंची तातडीने नियुक्ती करावी
तर पुण्यातच दुसर राष्ट्रवादीच आंदोलन सुरू आहे. फॉक्सकॉन आणि वेदांता प्रकल्प गुजरातला गेल्यामुळे राष्ट्रवादीकडून हे आंदोलन करण्यात आलं आहे. फॉक्सकॉन आणि वेदांता प्रकल्पावरून राज्यात राजकारण पेटल आहे. रद्दी विकून, शू पॉलिश, फूड डिलिव्हरी बॉक्स घेऊन आंदोलन करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.