रायगड : रायगड जिल्ह्यातील खालापूर तालुक्यातील इर्शाळवाडी गावात दरड कोसळून मोठी दुर्घटना घडली. यामध्ये आत्तापर्यंत १० जणांचा मृत्यू झाल्याची माहिती समोर आली आहे. तर १०० पेक्षा जास्त लोकं मातीच्या ढिगाऱ्याखाली अडकले असल्याची माहिती समोर आली आहे. तर बचावपथकाकडून युद्धपातळीवर बचावकार्य सुरू आहे.
यामध्ये अनेकांनी आपले नातेवाईक, कुणी भाऊ, कुणी वडील, कुणी आई, कुणी बहीण गमावली आहे. त्यातच एक हृदय पिळवटून टाकणारी घटना समोर आली आहे. या अपघातात जयश्री वाघ या चिमुकलीचं अख्खं कुटुंबच या दरडीखाली गाडलं गेलं आहे. यामध्ये तिचे आई, वडील, भाऊ असे सर्वच गाडले असून आता तिच्या कुटुंबातील एकही माणूस शिल्लक राहिलं नाही.
सदर मुलगी ही आश्रम शाळेत शिक्षणासाठी होती म्हणून ती वाचली. मे महिन्यात ती आपल्या कुटुंबियांना भेटली होती. किसन वाघ असं तिच्या वडिलांचं नाव आहे. या मुलीच्या कुटुंबातलं कुणीच राहिलं नाही. तिचा फक्त टाहो आता ऐकायला येत आहे.
दरम्यान, ४८ कुटूंब असलेल्या आणि २२८ लोकसंख्या असलेल्या गावात ही घटना घडली असून प्रशासनातर्फे युद्धपातळीवर बचावकार्य सुरू आहे. त्याचबरोबर काही जेसीबी हेलिकॉप्टरद्वारे एअरलिफ्ट करता येतील का अशा विचार प्रशासनाकडून सुरू आहे. पण मुसळधार पाऊस आणि रस्ता नसल्यामुळे बचावकार्यास अडथळा येत असल्याची माहिती उपमुख्यमंत्र्यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
