Weather Update : राज्यातील या भागात वादळी वाऱ्यासह मुसळधार पावसाचा इशारा, अशी असेल राज्यातील पावसाची परिस्थिती

मान्सूनच्या परतीच्या प्रवासाला आता सुरुवात झाली आहे. मात्र, अद्याप राज्यांमध्ये पावसाचा जोर कायम आहे. हवामान विभागाने येत्या 24 तासांमध्ये राज्यात मुसळधार पावसाची शक्यता वर्तवण्यात आली आहे. बंगालचा उपसागर आणि अरबी समुद्रात कमी दाबाचे क्षेत्र निर्माण झाल्यामुळे मोठ्या प्रमाणात सुरू आहे. कोकण किनारपट्टीसह इतर भागात मुसळधार पावसाचा अंदाज हवामान विभागाने वर्तवला आहे.

राज्यात आगामी 24 तासांमध्ये अनेक जिल्ह्यांना मुसळधार पावसाचा इशारा देण्यात आला आहे. पुढील 24 तासांत ठाणे, मुंबई, उपनगरसह राज्यात आजही पावसाची शक्यता आहे. राज्यातील काही भागांमध्ये ढगाळ वातावरण दिसून येईल, असा अंदाज हवामान विभागाने वर्तवला आहे.

पुढील 24 तासांत अतिवृष्टीची शक्यता हवामान विभागाने वर्तवला आहे. तर कोकण आणि मध्य महाराष्ट्रात मुसळधार पावसाचा ऑरेंज अलर्ट देण्यात आला आहे. तर राज्यातील काही भागांमध्ये वादळी वाऱ्यासह पावसाची शक्यता आहे. 4 ऑक्टोबरपर्यंत बिहार, झारखंड, पश्चिम बंगाल आणि सिक्कीमच्या विविध भागात मुसळधार पावसाचा ऑरेंज अलर्ट जारी करण्यात आला आहे.

5 ऑक्टोबरनंतर आकाश अंशतः ढगाळ राहून हवामान कोरडं राहील. त्यामुळे, पावसाची शक्यता कमी असणार आहे असा अंदाज हवामान विभागाने वर्तवला आहे. ऑक्टोबर महिन्यात मात्र कमी पावसाचा अंदाज वर्तवण्यात आला आहे. या महिन्यात राज्यातून मान्सूनच्या परतीच्या पावसाला सुरुवात होणार आहे.