मुंबईः राजस्थानसह देशातील पाच विधानसभेच्या निवडणुका जाहीर झालेल्या आहेत. शिवसेना पक्ष जो की एनडीएमध्ये सहभागी आहे. तो राजस्थान विधानसभेच्या निवडणुका लढण्याची शक्यता आहे. सूत्रांच्या माहितीनुसार शिवसेनेने तशी तयारीदेखील सुरु केलीय.
एकनाथ शिंदेंचा शिवसेना पक्ष हा NDAचा घटकपक्ष आहे. त्यामुळे राजस्थानमध्ये शिवसेना स्वतंत्र लढणार की एकत्रित? असा प्रश्न उपस्थित होत आहे. काही दिवसांपूर्वीच एकनाथ शिंदे हे राजस्थानच्या दौऱ्यावर होते. शिंदेंच्या जयपूर दौऱ्यात राजस्थानचे माजी मंत्री आणि काँग्रेसचे आमदार राजेंद्रसिंग गुढा यांनी शिंदेंच्या शिवसेनेत प्रवेश केला होता.
तिथे झालेल्या पत्रकार परिषदेमध्ये एकनाथ शिंदे यांनी पक्षाच्या विस्ताराची योजना सांगितली होती. 'साम टीव्ही'च्या सूत्रांनी दिलेल्या माहितीनुसार, मुख्यमंत्री एकनाथ शिंदे यांनी आगामी राजस्थान निवडणुकीत सेनेचे उमेदवार उभे करण्याबाबत भारतीय निवडणूक आयोगाला (ECI) पत्र लिहिलं आहे.
या पत्रात निवडणूक आयोगाल ‘धनुष्यबाण’ चिन्हावर निवडणूक लढवण्याबाबत परवानगी द्यावी, अशी विनंती केल्याची माहिती मिळतेय. शिवसेनेमुळे राजस्थानमध्ये भाजपला फायदा होईल का? की भाजपची दुसरीच काहीतरी खेळी आहे? असे प्रश्न उपस्थित होत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
