मोदी शंकराचार्यांपेक्षा मोठे आहेत का? भाजपचे ढोंगी हिंदू प्रेम उघड झाल्याची काँग्रेसची टीका

Ram Mandir Inaguration: अयोध्येत २२ जानेवारीला रामल्लांची प्राणप्रतिष्ठा होणार आहे. यावरुन आता राजकारण पाहायला मिळत आहेत. काँग्रेस नेत्यांनी राम मंदिर उद्घटनाचे निमंत्रण नाकारले आहे. काल उत्तराखंडमधील ज्योतिषपीठाचे शंकराचार्य (Shankaracharya) स्वामी अविमुक्तेश्वरानंद सरस्वती (Swami Avimukteshwaranand Saraswati) यांनी चारही शंकराचार्य अयोध्येत जाणार नसल्याचे म्हटले आहे.

मंदिराचे बांधकाम पूर्ण न करता प्रभू रामाचा अभिषेक सोहळा आयोजित करणे हे हिंदू धर्माच्या तत्त्वांचे पहिले उल्लंघन आहे. एवढी घाई करण्याची गरज नव्हती, असे स्वामी अविमुक्तेश्वरानंद सरस्वती यांनी स्पष्ट केले. दरम्यान काँग्रेसने भाजपवर टीका केली आहे. भाजपचे ढोंगी हिंदू प्रेम उघड झाल्याची  टीका काँग्रेसने केली आहे.

हिंदू धर्मात काय योग्य काय अयोग्य हे सांगण्यासाठी भाजप आणि मोदी  शंकराचार्यांपेक्षा मोठे का? अपूर्ण बांधकाम झालेल्या मंदिरात प्रतिष्ठापना करणे योग्य नाही असे स्पष्ट मत चारही पिठाच्या शंकराचार्यांनी व्यक्त केले आहे. (Latest Marathi News)

भाजपाला रामाबद्दल आस्था नाही पण निवडणुकीत रामाच्या नावाचा वापर करावयाचा आहे. भाजपा संघाचे ढोंगी हिंदू प्रेम उघड झाले आहे, असे काँग्रेस नेते सचिन सावंत यांनी म्हटले आहे.