'हिंदुत्वाचा देखावा करण्याची गरज उद्धव ठाकरेंना का पडतेय, याचा विचार त्यांनी करावा.'
अमरावती : एकनाथ शिंदेंनी (Eknath Shinde) बंड केल्यानंतर शिवसेनेचा (Shiv Sena) पहिला दसरा मेळावा बुधवारी पार पडला. दोन्ही शिवसेना म्हणजेच, शिंदे गट आणि ठाकरे गट यांच्या दोन स्वतंत्र्य सभा झाल्या. उद्धव ठाकरेंची सभा शिवाजी पार्क मैदानावर झाली आणि एकनाथ शिंदे यांची सभा बीकेसी मैदानावर झाली. दोन्ही सभेला तुफान गर्दी होती. मात्र, उद्धव ठाकरेंच्या सभेवर रवी राणांनी निशाणा साधलाय.
उद्धव ठाकरे (Uddhav Thackeray) यांची शिवाजी पार्कवरील सभा म्हणजे फुसका बार आहे, अशा शब्दांत रवी राणा (Ravi Rana) यांनी टीका केलीय. उद्धव ठाकरेंनी काँग्रेस आणि राष्ट्रवादीची विचारधारा आपल्यामध्ये आणली असल्यामुळं त्यांना हा देखावा करावा लागतोय, असं देखील राणांनी म्हटलंय. ते अमरावतीत बोलत होते.
बाळासाहेबांच्या विचारधारेचा विसर पडल्यामुळं शिवसैनिकांनी उद्धव ठाकरेंना मोठा झटका दिला. हिंदुत्त्वाचं नाव घेऊन, हिंदू विचारांची दिशाभूल ठाकरे करत असल्याचा आरोपही राणा यांनी केलाय. हिंदुत्वाचा देखावा करण्याची गरज उद्धव ठाकरेंना का पडतेय, याचा विचार त्यांनी करावा, असा सल्लाही त्यांनी यावेळी दिला. उद्धव ठाकरेंना आता हिंदुत्व आठवलं, हे त्यांचं दुर्भाग्य आहे, अशी टीकाही राणांनी केलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.