'हिंदुत्व.. हिंदुत्व म्हणणारे शिवसेनेचे बंडखोर आमदार दलित आणि वंचितविरोधी आहेत'

Maharashtra Political Crisis : सध्या उद्धव ठाकरे (Uddhav Thackeray) आणि एकनाथ शिंदे (Eknath Shinde) यांच्यात सुरू असलेला वाद चांगलाच चिघळलाय. शिवसेनेतील अंतर्गत बंडानं कोर्टाचा दरवाजा ठोठावला आहे. अशातच आता रिपब्लिकन पार्टी ऑफ इंडियानं (खरात गट) एकनाथ शिंदे गटावर निशाणा (Republican Party of India, Kharat group) साधलाय. एकनाथ शिंदे गटातील शिवसेनेचे बंडखोर आमदार हे दलित आणि वंचितविरोधी असल्याचा आरोप रिपब्लिकन पार्टी ऑफ इंडियाचे (खरात गट) नेते सचिन खरात (Sachin Kharat) यांनी केलाय.

मुंबईमध्ये पत्रकारांशी बोलताना खरात यांनी महाविकास आघाडी सरकार (Mahavikas Aghadi Government) हे शाहू, फुले, आंबेडकरांच्या तत्वावर काम करत असल्याचं या बंडखोर शिवसेना (Shiv Sena) आमदारांना पहावलं नाही, असा आरोप त्यांनी केलाय. हे बंडखोर आमदार स्वत: हिंदूत्व मानत असल्याचं आपल्याला वाटतं नसल्याचंही खरात यांनी म्हटलंय.

यावेळी खरात यांनी बंडखोर आमदारांचं नेतृत्व करणाऱ्या एकनाथ शिंदेंवरही टीका केलीय. ज्या वेळेस राज्यात महाविकास आघाडी सरकार आलं आणि उद्धव ठाकरे मुख्यमंत्री, अजित पवार उपमुख्यमंत्री झाले त्यानंतर काही कालावधीमध्ये महाराष्ट्रावर कोरोनाचं संकट आलं, असं खरात यांनी म्हटलंय. हे सरकार आल्यानंतर काही कालावधीमध्येच महाराष्ट्रात मोठ्या प्रमाणात कोरोनाची लाट पसलेली होती. त्या कालावधीमध्ये राज्य सरकार मोठ्या आर्थिक संकटामध्ये सापडलेलं असतानाही दादारमधील इंदू मीलमध्ये डॉ. बाबासाहेब आंबेडकरांचं जे स्मारक होतंय त्याचं काम या सरकारनं सुरु ठेवलंय, असंही खरात यांनी स्पष्ट केलंय.