सबस्क्राईब करा
मुंबईः राज्यामध्ये बीड आणि परिसरात मराठा आंदोलनाने उग्र रुप धारण केलं होतं. अनेक ठिकाणी एसटी बसेस बंद आहेत तर काही ठिकाणी लोकप्रतिनिधींच्या गाड्या फोडण्याचे आणि जाळण्याचे प्रकार घडलेले आहेत. याच अनुषंगाने आता Adv. गुणरत्न सदावर्ते यांनी उच्च न्यायालयात एक याचिका दाखल केली आहे.
गुणरत्न सदावर्ते यांनी मुंबई हायकोर्टात याचिका दाखल केली असून याचिकेवर 8 नोव्हेंबर रोजी सुनावणी होणार आहे. एकीकडे मराठा आंदोलक आक्रमक असताना आणि खुद्द सदावर्ते यांच्या चारचाकी गाड्या फोडलेल्या असतानाही त्यांनी याबाबत याचिका दाखल केलीय.
मराठा आरक्षणासाठी मनोज जरांगे पाटील हे 25 ऑक्टोबरपासून उपोषण करत आहेत. त्यांच्या उपोषणनंतर राज्यात हिंसाचाराच्या घटना घडत असल्याचं दिसून येत आहे. या पार्श्वभूमीवर सदावर्ते यांनी याचिका दाखल केली आहे. मराठा आंदोलनकर्त्यांच्या विरोधात कारवाई करावी, अशी मागणी याचिकेत करण्यात आली आहे.
दरम्यान, मराठा आरक्षणाच्या विरोधात गुणरत्न सदावर्ते यांनी यापूर्वीही याचिका केली होती. त्यांच्या याचिकेमुळे मराठा आरक्षण कोर्टात रद्द ठरवण्यात आलेलं होतं. आता पुन्हा त्यांनी मराठा आंदोलनाच्या विरोधात याचिका दाखल केली आहे. दुसरीकडे मनोज जरांगे यांच्या भेटीसाठी आंतरवाली सराटी येथे सरकारचं शिष्टमंडळ पोहोचत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.