Rohit Pawar on BJP: "एकनाथ शिंदेंची ताकद कमी करायला भाजपाला ..."; रोहित पवार यांची खोचक टीका

Rohit Pawar on BJP:  राहुल गांधींवर झालेल्या कारवाई विरोधात काँग्रेस राष्ट्रवादी एकवटली आहे. शरद पवार यांच्या गटातील राष्ट्रवादीच्या नेत्यांनीही काँग्रेसला पाठिंबा दिला आहे. मंत्रालयासमोरील गांधी पुतळ्याजवळ सुरू असलेल्या काँग्रेसच्या आंदोलनात राष्ट्रवादीचे आमदार रोहित पवार सहभागी झाले. यावेळी त्यांनी माध्यमांशी संवाद साधला.

रोहित पवार म्हणाले, सामान्य लोकांचे अनेक प्रश्न प्रलंबित आहेत. मात्र राज्यात खुर्चीसाठी भांडण चालू आहे.एक वर्ष झाले शिंदे यांच्या लोकांना आणखीन मंत्रिपद मिळाले नाही.

अजित पवार गटात देखील अस्वस्था आहे. यावर रोहीत पवार म्हणाले. जे सांगितले आहे ते मिळत नाही म्हणून हा तिढा निर्माण झाला आहे.

भाजपमधील लोकनेते ते टिकू देत नाहीत. एकनाथ शिंदे साहेबांची ताकद कमी करायला भाजपाला एक वर्ष लागली. महाराष्ट्रामधील सह्याद्री दिल्लीसमोर कधी झुकला नाही. त्यामुळे मी शरद पवार यांच्यासोबत आहे, असे रोहित पवार यांनी स्पष्ट केले.

वळसे पाटलांवर रोहित पवार म्हणाले, पाणी विषय हास्यास्पद आहे. जुन्नरमध्ये जाऊन मी वळसे पाटील यांना उत्तर देईल . मला दहा वर्षात निष्ठा कळाली त्यामुळे त्यांनी कुणाचे वय कोणी काढू नये.