राज्याच्या राजकारणात गेल्या काही महिन्यात अनेक मोठ्या घडामोडी घडल्या. त्यापैकी एक म्हणजे राष्ट्रवादी काँग्रेसमध्ये पडलेली फुट. फुटीनंतर राष्ट्रवादीतील नेते आता एकमेकांवर मोठे आरोप करताना दिसत आहेत. अशातच राष्ट्रवादी शरद पवार गटाचे आमदार रोहित पवार यांनी अजित पवार गटावर हल्लाबोल करत मोठा दावा केला आहे. त्यांच्या पक्षात अनेक गोष्टी नॅार्मल नाहीत. अनेक जण पक्ष सोडण्याच्या तयारीत आहेत असंही रोहित पवारांनी म्हटलं आहे.
रोहित पवार माध्यमांशी बोलताना म्हणाले, अधिवेशन होऊ दे. फंड मिळू दे. त्यानंतर अनेक आमदार निर्णय घेतील, असा मोठा दावा त्यांनी केला आहे. गेल्या काही दिवसांमध्ये अजित पवारांसोबत गेलेले नेते नाराज असून ते बाहेर पडणार असल्याच्या चर्चा सुरू होत्या. तर त्यांच्यासोबत गेलेले अनेक जण नाराज असल्याच्या बातम्या देखील वारवारं समोर येतात.
तर अजित पवार गटामधून परत येणाऱ्या नेत्यांना पुन्हा पक्षात घेण्याबाबत रोहित पवार म्हणाले, खालच्या पातळीवर टीका केली नसेल आणि जे विरोधात फार बोलले नसतील त्यांच्याबाबत आम्ही विचार करु. तर कोणाला पक्षात घ्यायचं याचा निर्णय वरिष्ठ घेतील, असंही ते पुढे म्हणाले आहेत.
अजित पवारांच्या पक्षाचे अध्यक्ष कोण आहेत. ते आधी बघावं लागेल. पंतप्रधान नरेंद्र मोदींसोबत अजित दादांपेक्षा प्रफुल्ल पटेल यांचे फोटो दिसतात. पक्षावर अजितदादांपेक्षा पटेल यांची पकड मजबूत आहे. असंही पुढे रोहित पवार म्हणालेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
