-अविनाश साबापुरे
यवतमाळ : सर्वसामान्यांचा अधिकार असलेल्या माहिती अधिकार अर्थात ‘आरटीआय’ कायद्याची बूज राखण्याची जबाबदारी माहिती आयोगावर आहे. मात्र राज्याच्या माहिती आयोगातच आयुक्तांसह अन्य अधिकारी, कर्मचाऱ्यांची निम्मी पदे रिक्त असून प्रतिनियुक्त्यांवर कसाबसा कारभार हाकला जात आहे.
सामान्य प्रशासन विभागाच्या आकडेवारीनुसार, राज्य माहिती आयोगात आयुक्त, सचिव, उपसचिव, अवर सचिव (विधी), कक्ष अधिकारी, सहाय्यक (विधी), सहायक कक्ष अधिकारी आदी ६५ पदे मंजूर आहेत. त्यातील ३४ पदे रिक्त असून कार्यरत असलेले ३१ अधिकारी प्रतिनियुक्तीवर आहेत. गंभीर म्हणजे, आयुक्तांच्या ८ पदांपैकी तब्बल सहा आयुक्त प्रतिनियुक्तीवर कारभार पाहात आहेत. तर दोन पदे रिक्त आहेत. सचिवाचे एकच पद मंजूर असून तेही प्रतिनियुक्तीवर आहेत. विशेष म्हणजे, त्यांच्या प्रतिनियुक्तीचा कालावधी संपल्याने त्यांनी कार्यमुक्त करण्याची विनंती केली आहे.
गेल्या दोन महिन्यांचा अंदाज घेतल्यास ‘आरटीआय’चे लाखावर अर्ज सुनावणीविना प्रलंबित आहेत. आयोगात पदे रिक्त असल्याने कामाचा ताण आहे. एक-दोन महिन्यात तीन माहिती आयुक्त निवृत्त होणार असल्याचे समजते. ही पदे लवकर भरावीत.
- विशाल ठाकरे,
माहिती अधिकार कार्यकर्ते
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.