भाजपनं कुठं नेऊन ठेवलीय राजकारणाची पातळी? रुपाली पाटील संतापल्या

आमदार रवी राणा (Ravi Rana) आणि खासदार नवनीत राणा (Navneet Rana) हे दाम्पत्य सध्या राज्यभरात चर्चेत आहे. मनसे अध्यक्ष राज ठाकरे यांच्या हनुमान चालिसाबाबतच्या भूमिकेनंतर रवी राणा आणि नवनीत राणा यांनी मुख्यमंत्री उद्धव ठाकरेंच्या घरासमोर हनुमान चालिसा पठण करणार असल्याची आग्रही भूमिका मांडल्यानं आता राणा विरुद्ध शिवसेना असा सामना रंगलाय.

उद्धव ठाकरेंनी (Uddhav Thackeray) त्यांचे गुंड आमच्या घरी पाठवले आहेत. माझी पंतप्रधान मोदींना (Prime Minister Modi) विनंती आहे की, त्यांनी महाराष्ट्राकडं लक्ष द्यावं, असं विधान अमरावतीच्या खासदार नवनीत राणा यांनी केलंय. दुपारी राणा यांनी आपली मोहीम मागे घेत असल्याचं जाहीर केलं. त्यानंतर मुंबईत शिवसैनिक (Shiv Sainik) आक्रमक झाल्याचं पहायला मिळालं. या प्रकरणानंतर महाविकास आघाडीतील नेत्यांनीही राणा दाम्पत्य आणि भाजपविरुध्द आक्रमक पवित्रा घेतलाय. या प्रकरणावर राष्ट्रवादीच्या नेत्या रुपाली पाटील-ठोंबरे यांनी ट्विटव्दारे भाष्य करुन भाजपवर जोरदार टीका केलीय.

रुपाली पाटील-ठोंबरे (Rupali Patil-Thombre) यांनी ट्विटमध्ये लिहिलंय, महाराष्ट्रात सत्ता नाही म्हणून, तडफडून महाविकास आघाडीवर केल्या जाणाऱ्या या ना त्या पद्धतच्या कुरघोड्या, रोज एक नवीन तमाशा करणारी पात्रं, अशी जय्यत तयारी भाजपनं केली असली तरी सत्तेसाठी काहीही करणारा पक्ष भाजपच आहे. भाजपनं कुठं नेहून ठेवलीय राजकारणाची पातळी हे महाराष्ट्र पाहतंच आहे, असा घणाघात त्यांनी भाजपवर केलाय. रुपाली पाटील यांनी राणा दाम्पत्याबाबतही हॅशटॅग दिलाय.