गृहमंत्री खात हे फक्त काही बड्या नेत्यांचे घरगुती खात झालं आहे हे महाराष्ट्राला माहीत झालं आहे. अशी टीका रयत क्रांती संघटनेचे नेते सदाभाऊ खोत (Sadabhau Khot) यांनी केली. विधानसभेतील विरोधी पक्षनेते देवेंद्र फडणवीस (Devendra Fadnavis) यांनी विधानसभेत पेन ड्राइव्ह सादर करत सरकारवर गंभीर आरोप केले. या आरोपाचे समर्थन सदाभाऊंनी केले आहे. त्यांनी ट्विट करत गृहमंत्री वळसे पाटील (Dilip Walse Patil) यांच्यावर निशाणा साधला.
भाजप आमदार गिरीश महाजन (girish mahajan) यांच्याविरोधात सरकारी वकीलच षडयंत्रं रचत असल्याचा आरोप फडणवीस यांनी केला आहे. या आरोपांना राज्याचे गृहमंत्री दिलीप वळसे पाटील यांनी उत्तर दिले आहे. फडणवीस यांनी सादर केलेल्या पेन ड्राइव्हमधील स्टिंग ऑपरेशनची सीआयडी मार्फत चौकशी करण्यात येईल अशी घोषणा गृहमंत्री वळसे पाटील यांनी केली आहे. तसेच, या प्रकणातील वकील प्रवीण चव्हाण यांचाही राजीनामा घेण्यात आला असल्याचेही त्यांनी सांगितले.
याप्रकरणी गृहमंत्र्यावर टीका करताना सदाभाऊ म्हणाले, विरोधी पक्षनेत्याला प्रिवेलेज असतं की नाही, हे माहित नाही का असा सवाल त्यांनी विचारला. आघाडीवर टीका करताना ते म्हणाले, गृहमंत्री खात हे फक्त काही बड्या नेत्यांचे घरगुती खात झालं आहे हे महाराष्ट्राला माहीत झालं आहे असेही ते म्हणाले.
राज्याचे विरोधी पक्षनेते देवेंद्र फडणवीस यांनी आज विधानसभेत अर्थसंकल्पावर टीका करत महाविकास आघाडीला धारेवर धरले. त्यांनी यापूर्वी एक पेन ड्राईव्ह सादर केला आहे. आज पुन्हा एक पेन ड्राईव्ह दिला. यावरून आता राजकीय वादळ उठण्याची शक्यता नाकारता येणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
