समीर वानखेडे यांचा पहिला निकाह झाला होता. त्यावेळी मेहेर रक्कम किती देण्यात आली होती याबाबतही नवाब मलिक यांनी खुलासा केला आहे.
मुंबई - एनसीबीचे विभागीय संचालक समीर वानखेडे यांच्यावर राज्याचे अल्पसंख्यांक मंत्री नवाब मलिक यांनी आतापर्यंत अनेक आरोप केले आहेत. आर्यन खान ड्रग्ज प्रकरणानंतर सुरु झालेली आरोपांची मालिका अद्याप सुरुच आहे. याआधी वानखेडे यांच्या कारवांयावर नवाब मलिक यांनी प्रश्न उपस्थित केले होते. त्यानंतर वानखेडेंनी बोगस जात प्रमाणपत्राच्या आधारे नोकरी मिळवल्याचा आरोपही केला. आता समीर वानखेडे यांनी हिंदु असल्याचा दावा करत असताना मलिकांनी नवा खुलासा केला. ट्विटरवर त्यांनी गूड मॉर्निंग म्हणत समीर वानखेडेंचा पहिला निकाह झाला होता असं म्हटलं आहे.
समीर वानखेडे यांनी याआधी सांगितलं होतं की, शबाना कुरेशीसोबत पहिलं लग्न झालं होतं आणि दोघांचा रितसर घटस्फोटही झाला आहे. दरम्यान, पहिला निकाह झाला होता आणि त्यावेळी मेहेर रक्कम ३३ हजार रुपये देण्यात आली होती असं नवाब मलिक यांनी म्हटलं आहे.
नवाब मलिक यांनी याआधी समीर वानखेडेंच्या पहिल्या लग्नातील एक फोटो क्रॉप करून शेअर केला होता. आता मात्र त्यांनी वानखेडेंचा त्यांच्या पहिल्या पत्नीसोबतचा पूर्ण फोटो शेअर केला आहे. याला त्यांनी फोटो ऑफ स्वीट कपल असा कॅप्शनही दिला आहे.
निकाहला साक्षीदार म्हणून समीर वानखडेंची बहीण यास्मिन वानखडे यांचे पती अझिज खान होते असेही नवाब मलिक यांनी म्हटले आहे. वानखेडे यांच्यावर केलेल्या आरोपानंतर त्यांची पत्नी क्रांती रेडकरने पत्रकार परिषद घेत तुमच्याकडे पुरावे असतील तर कोर्टात जा, ट्विटर कोर्ट नाही अशा शब्दात नवाब मलिक यांना उत्तर दिलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.