राज्याचे अल्पसंख्यांक मंत्री नवाब मलिक यांनी क्रूझ ड्रग प्रकरणात एनसीबीने केलेल्या कारवाईवरून समीर वानखेडे यांच्यावर गंभीर आरोप केले आहेत. नवाब मलिक यांनी समीर वानखेडे यांच्यासह त्यांच्या कुटुंबीयांबद्दल देखील अनेक प्रश्न उपस्थित केले आहेत. त्यानंतर नवाब मलिक यांनी सोशल मीडियावर आपल्या कुटुंबीयांची बदनामी केल्याचा आरोप ज्ञानदेव वानखेडेंनी केला होता. याच संदर्भात आज ते राज्यपालांकडे आपली कैफीयत मांडणार असल्याची शक्यता आहे.
एनसीबीचे झोनल डायरेक्टर समीर वानखेडे यांच्यावर नवाब मलिक यांनी गंभीर आरोप केले आहेत. त्यामुळे सोशल मीडियावर आपली आणि कुटुंबीयांची बदनामी होत असल्याचा आरोप वानखेडे यांनी केला आहे. त्यातच आज समीर वानखेडे हे राज्यपाल भगतसिंग कोश्यारी यांच्या भेटीला गेले आहेत. आपल्या कुटुंबाच्या बदनामी प्रकरणात ते राज्यपालांकडे तक्रार करणार असल्याची शक्यता आहे.
काही दिवसांपूर्वीच समीर वानखेडेंचे वडील ज्ञानदेव वानखेडे यांनीही पत्रकार परिषद घेत नवाब मलिक हे आपल्या कुटुंबाची बदनामी करत असल्याचा आरोप केला होता. त्यानुसार नवाब मलिक यांच्याविरोधात आपण कोर्टात कायदेशीर लढाई लढणार असल्याचं देखील त्यांनी सांगितलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
