सांगली : वय कितीही असलं तरी एखाद्या व्यक्तीची इच्छाशक्ती किती असावी याचं उदाहरण सांगली जिल्ह्यातील एका ७४ वर्षाच्या व्यक्तीने दाखवून दिले आहे. सांगली जिल्ह्यातील मिरज तालु्क्यातील एका व्यक्तीने वयाच्या ७४ व्या वर्षी गाडीवर अमरनाथ यात्रा केली आहे. त्यांच्या या यात्रेचा व्हिडिओ व्हायरल झाला आहे. जयवंत केदार चव्हाण असं या व्यक्तीचं नाव असून महाराष्ट्रातील मिरज येथील ते रहिवाशी आहेत.
(74 Year Old Man Amarnath Yatra Viral Video)
जयवंत केदार चव्हाण हे दरवर्षी अमरनाथ यात्रा करत असल्याचं त्यांनी या व्हायरल झालेल्या व्हिडिओमध्ये सांगितलं. त्यांनी १२ वर्षे सायकलवर अमरनाथ यात्रा केली आहे, त्याचबरोबर ६ वर्षे पायी आणि २०१४ सालापासून मोटारसायकवर ही यात्रा करतात. दरम्यान वयाच्या ७४ वर्षीही यात्रेतील उत्साह त्यांच्या चेहऱ्यावर ओसंडून वाहताना आपल्याला दिसत आहे. यादरम्यान रोज ५०० किमी प्रवास ते करतात असं त्यांनी सांगितलं आहे. मागच्या दोन वर्षात कोरोनामुळे यात्रा बंद होत्या पण या काळातही यांनी अमरनाथ यात्रा चुकवली नाही असं चव्हाण यांनी सांगितलं आहे.
चव्हाण यांचा हा व्हिडिओ सध्या व्हायरल होत असून ते श्रीनगर मध्ये असताना हा व्हिडिओ काढण्यात आला आहे. त्यांच्या बोलण्यातून या यात्रेबद्दलचा उत्साह स्पष्टपणे दिसतो. दरम्यान त्यांचे वय ७५ च्या घरात असूनही दरवर्षी या यात्रेसाठी 2630 किमीचे अंतर गाडीवर पार करत असल्यामुळे त्यांचे कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
