Sanjay Gaikwad News : आमदार संजय गायकवाड यांनी बुलडाणा लोकसभेसाठी उमेदवारी अर्ज दाखल केला आहे. शिवसेनेचे विद्यमान खासदार प्रतापराव जाधव यांना डावलून संजय गायकवाड यांनी अर्ज दाखल केल्याने आश्चर्य व्यक्त होत आहे. अर्ज दाखल केल्यानंतर मुख्यमंत्र्यांनी आपल्याला फोन केल्याचं आमदार गायकवाड यांनी सांगितलं.
शिवसेनेकडून उमेदवारांची नावं जाहीर झालेली नसताना संजय गायकवाड यांनी अर्ज का दाखल केला, असा प्रश्न उपस्थित होतोय. गायकवाड यांनी दोन अर्ज भरल्याची माहिती येतेय. एक अपक्ष आणि दुसरा पक्षाकडून. पक्षाने आपल्याला एबी फॉर्म द्यावा, अशी त्यांची मागणी आहे.
अर्ज दाखल केल्यानंतर पत्रकारांशी बोलताना आमदार गायकवाड म्हणाले की, मी लोकसभेसाठी अर्ज भरला त्याचं कारण आपणही लढलं पाहिजे, असं मला वाटत आहे. शिवाय कार्यकर्ते आणि जिल्हावासियांच्या त्याच भावना आहेत. अर्ज भरल्यानंतर मुख्यमंत्री एकनाथ शिंदेंचा फोन आल्याचंही संजय गायकवाड म्हणाले.
अर्ज भरण्याचा आदेश मुंबईतून होता का? असा प्रश्न संजय गायकवाडांना विचारला. त्यावर ते म्हणाले की, तसं काही नाही. तसा आदेश नव्हता. मी अर्ज भरल्यानंतर साहेबांचा मला फोन आला आणि अर्ज भरल्याबद्दल विचारलं. याबाबत एकनाथ शिंदे यांची संमती नसल्याचंही त्यांनी स्पष्ट केलं. शिवाय माघार घेण्याबाबत विचार केला नाही, असही संजय गायकवाड म्हणाले.
शिवसेनेच्या उमेदवारांची यादी अजून जाहीर झालेली नाही. त्यापूर्वीच विजय शिवतारे, बच्चू कडू, आनंदराव अडसूळ यांच्या कुरबुरी सुरु आहेत. यातच आता बुलडाण्याच्या संजय गायकवाड यांनी लोकसभेसाठी उमेदवारी अर्ज दाखल केला आहे. शिवसेनेचे खासदार प्रतापराव जाधव यांना हा स्वपक्षातून झटका समजला जातोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
