Sanjay Rathod : माझी बदनामी करू नका आणि रॉंग बॉक्समध्ये टाकू नका; चौकशीत सर्व सत्य समोर येईल

नागपूर : बंजारा समाजातील एका मुलीने आत्महत्या केल्याचे मला व बंजारा समाजाला दुख आहे. पूजा चव्हाण हिच्या कुटुंबीयांच्या दुखात मी आणि बंजारा समाज सहभागी आहे. माझी बदनामी करण्याचा प्रयत्न सुरू आहे. चव्हाण हिच्या मृत्यूवरून घाणेरडं राजकारण करण सुरू आहे. हे चुकीच आहे. मी आपणास विनंती करतो माझी बदनामी करू नका, असे वनमंत्री संजय राठोड प्रसारमाध्यमांशी बोलताना म्हणाले.

राज्याचे वनमंत्री संजय राठोड तब्बल १४ दिवस भूमिगत झाल्यानंतर मंगळवारी प्रथमच प्रसारमाध्यमांच्या समोर आले. पोहोरादेवी गडावर पोहोचल्यानंतर त्यांनी जगदंबा देवीचे दर्शन घेतले. यानंतर त्यांनी सेवालाल महाराजांच्या समाधीचे घेतले दर्शन घेतले. तसेच रामराव महाराजांचे दर्शन घेतल्यानंतर त्यांनी प्रसारमाध्यमांशी संबंध साधला. यावेळी त्यांनी प्रसारमाध्यमानवरच खापर फोडले.

नवीन माहिती : संजय राठोड दोन दिवसांपासून यवतमाळातच मुक्कामी!

पूजा चव्हाण हिच्या आत्महत्येचे मला दुख आहे. चव्हाण कुटुंबीयांच्या दुखात मी सहभागी आहे. याप्रकरणाची मुख्यमंत्री उद्धव ठाकरे यांनी चौकशी सुरू केली आहे. पोलिसांच्या चौकशीत सत्य समोर येईल. याव्यतिरिक्त या प्रकरणावर मला काहीही बोलायचं नाही. या घटनेमुळे बंजारा समाजाला दुख झाल आहे. विरोधकांकडून घाणेरडे राजकारण करण्यात येत आहे, असेही ते म्हणाले.

माझी बदनामी करण्याचा प्रयत्न

पूजा चव्हाण प्रकरणावरून माझी आणि कुटुंबाची बदनामी करण्याचा घाणेरडा प्रयत्न सुरू आहे. प्रसारमाध्यमांवर माझ्याबद्दल बरेचकाही बोलले जात आहे. एका घटनेत माझ नाव आल्यामुळे मला रॉंग बॉक्समध्ये टाकू नका असेही ते म्हणाले.  राजकारण
दुखी आहे, उद्ध्वस्त करण्याचा प्रयत्न, सत्य नाही

फोटाच काय

मी एक नेता आहे. समाजासाठी मी कार्य करीत असतो. यामुळे अनेकांशी मी फोटो काढले आहे. याचा अर्थ या प्रकरणात माझा सहभाग आहे अस नाही. फोटोवरून माझ्यावर शंका घेऊ नका, असेही वनमंत्री संजय राठोड म्हणाले.

मुंबईतून काम सुरू होते

मी १४ दिवस काही गायब झाल नव्हतो. मुंबईतील माझ्या कार्यालयातून माझे काम सुरू होते. मागील दहा दिवसांपासून मी कुटुंबीयांशी संवाद साधत होते. यपुढेही माझे काम सुरू राहणार असल्याचे संजय राठोड म्हणाले.