संजय राऊत यांच्यावर ईडीने केलेल्या कारवाईनंतर राज्यातील वातावरण चांगलंच तापलं आहे. ईडीच्या फेऱ्यात अडकलेल्या संजय राऊत यांनी भाजप नेते किरीट सोमय्या यांच्या मुलाने आयएनएस विक्रांत वाचवण्यासाठी गोळा केलेल्या निधीचा गैरवापर केल्याचा आरोप केला आहे. या दोन्ही नेत्यांकडून आरोप प्रत्यारोप केले जात आहेत. कायद्याचा दुरुपयोग होत असल्याचा संजय राऊत यांनी राज्यसभेत केला आहे.
संजय राऊत राज्यसभेत बोलताना म्हणाले की, "संविधानात म्हटलंय की कुणालाही त्याच्या इच्छेविरोधात साक्ष देण्यासाठी भाग पाडले जाऊ शकत नाही कलम २० च्या नुसार प्रत्येक नागरिकाला गप्प बसण्याचा आधिकार आहे,कोणालाही त्याच्या इच्छेविरोधात साक्ष देण्यास भाग पाडले जाऊ शकत नाही नार्को ब्रेम मॅपिंग अशा इतर कोणत्याही सायंटीफिक टेस्ट केली जाऊ शकत नाही यामुळे २०१० मध्ये सुप्रिम कोर्टाने नार्को टेस्टला देखील बेकयदेशीर म्हटले'
ते पुढे म्हणाला की, "मी गृहमंत्र्यांचा आभारी आहे. कायद्याचा गैरवापर होणार नाही असे गृहमंत्र्यांनी लोकसभेत सांगितलं होतं, पण तुम्ही डोळ्यात डोळे घालून म्हणू शकाता का की कायद्याचा गैरवापर होत नाहीये." असा सवाल देखील त्यांनी केंद्रीय गृहमंत्री अमित शाह यांना केला आहे.
यापुर्वी ईडीने शिवसेनेचे खासदार संजय राऊत यांची अलिबागमधील मालमत्ता जप्त केली होती, त्यामुळे संजय राऊतांच्या अडचणीत वाढल्या होत्या. ईडीने १ हजार ४८ कोटींच्या प्रविण राऊत पत्राचाळ घोटाळ्याप्रकरणी ईडीने कारवाई केली असून अलिबागजवळील किहीमधील ८ भूखंड जप्त करण्यात आले आहेत. प्रविण राऊत हे संजय राऊतांचे स्नेही आहेत. तसेच मुंबईतील एक फ्लॅट देखील जप्त करण्यात आला आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
