Sanjay Raut: लाठीमार करण्यासाठी मंत्रालयातून आलेला तो अदृश्य फोन कोणाचा? संजय राऊतांचा सरकारला थेट सवाल

Sanjay Raut : शासन आपल्या दारी कार्यक्रम जालना जिल्ह्यात राज्य सरकारला यशस्वी करायचा होता. म्हणून मनोज जरांगे यांचे उपोषण सरकारने चिरडले असा आरोप खासदार संजय राऊत यांनी केला आहे.

यावेळी ते म्हणाले की लाठीचार्ज करण्यासाठी मंत्रालयातून तो अदृश्य फोन कोणाचा आला ? असा सवाल यावेळी त्यांनी विचारला. यावेळी ते म्हणाले की, तो अदृश्य फोन गृहमंत्री , मुख्यमंत्री उपमुख्यमंत्री नक्की कोणी केला? हे देखील सखोल चौकशीत बाहेर यायला हवे.

शिवसेना ठाकरे गटाचे जेष्ट नेते तथा खासदार संजय राऊत यांनी जालन्यातील मराठा आंदोलकांवर झालेल्या लाठीमारावरून शिंदे फडणीवस पवार सरकारवर जोरदार शाब्दिक हल्ला चढवला. यावेळी त्यांनी शिंदे फडणीवस पवार सरकारवर हल्लाबोल केला. त्यांनी काही गंभीर आरोप केले. लाठीमाराचा आदेश मंत्रालयातून गेला होता. मंत्रालयातून गेलेला हा अदृश्य फोन कुणाचा होता? असा प्रश्न त्यांनी विचारला.

मुंबईत इंडिया आघाडीची बैठक सुरू होती यावेळी संपूर्ण राज्यच आणि देशाचं लक्ष त्यावर होत.यामळे नागरिकांचे लक्ष विचलीत करण्यासाठी हा लाठीमार करण्यात आला. असेही संजय राऊत म्हणाले.