सबस्क्राईब करा
Sanjay Raut warns Rana Couple:सध्या उद्धव ठाकरे विदर्भाच्या दौऱ्यावर आहेत. त्यांनी सोमवारी अमरावतीमध्ये कार्यकर्तांची भेट घेतली. यावेळी राणा दांपत्याच्या कार्यकर्तांकडून उद्धव ठाकरेंच्या विदर्भ दौऱ्याचे बॅनर फाडण्यात आले. त्यानंतर उद्धव ठाकरे यांच्या समर्थकांकडूनही राणांचे बॅनर फाडण्यात आले. आता रवी राणा आणि नवनीत राणा यांच्या भूमिकेवर संजय राऊत यांनी टीका केली आहे.
राणा दांपत्याच्या कार्यकर्त्यांकडून उद्धव ठाकरे यांच्या कार्यक्रमाचे बॅनर फाडले, यावर माध्यमांनी संजय राऊत यांना प्रश्न केला होता. यावर त्यांनी राणांनी आम्हाला गुंडगिरी शिकवू नये, असे मत मांडले.
संजय राऊत म्हणाले की, "याची किंमत त्यांना चुकवावी लागेल. ते आज बॅनर फाडतायं कारण त्यांच्यामागे सत्ता आणि पोलिस आहे. ही गुंडगिरी झुंडगिरी त्यांनी आम्हाला शिकवू नये."
उद्धव ठाकरे यांच्या अमरावती दौऱ्याच्या वेळी राणा दांपत्याकडून हनुमान चालिसा पठणाचा कार्यक्रम आयोजित करण्यात आला होता. या कार्यक्रमाला पोलिसांनी परवानगी नाकारली होती. मात्र, तरिही हनुमान चालिसा पठणाचा कार्यक्रम घेणार, अशी भूमिका राणा दांपत्याकडून मांडण्यात आली.(Latest Marathi news)
यावर संजय राऊत म्हणाले की, "हनुमान चालिसाचं पठण त्यांनी मुंबईत येऊन राष्ट्रवादी कॉंग्रेसचा फुटलेला गट जो प्रखर हिंदूत्वाचा विरोध करत होता, त्यांच्या कार्यालयासमोर करावं. अमरावतीमध्ये त्यांना परत निवडणूका लढायच्या आहेत. या बाई परत लोकसभेत जातील याची खात्री नाही. त्यांना बजरंगबलीच धडा शिकवणार आहेत. हनुमानाच्या नावानं जी नौटंकी केली, त्यावर कर्नाटकाप्रमाणे महाराष्ट्रातही धडा मिळेल."(Latest Marathi News)
सोमवारी उद्धव ठाकरे यांच्या कार्यक्रमाचे बॅनर राणा समर्थकांनी फाडले. त्यानंतर ठाकरे समर्थकांकडूनही राणांच्या हनुमान चालिसा पठण कार्यक्रमाचे बॅनर फाडण्यात आले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
