'कर नाही त्याला डर कशाला, राऊतांना आता लोकशाही आठवली का?'

शिवसेनेचे संजय राऊत यांनी उपराष्ट्रपती व्यंकय्या नायडू (Vaikayya Naidu) यांना पत्र लिहून नवा खुलासा केला आहे. राऊत यांनी राज्यसभेचे अध्यक्ष आणि उपराष्ट्रपती व्यंकय्या नायडू यांना पत्र लिहले आहेत. आता या मुद्द्यावरून सत्ताधारी आणि विरोधक यांच्यात आरोपप्रत्यारोप सुरु झाले आहेत. दरम्यान, आता राऊतांच्या या पत्रावरून भाजपचे अतुळ भातखळकर (Atul Bhatkhalkar) यांनी टीका केली आहे. (Sanjay Raut Letter)

ते म्हणतात, खासदार राऊत (Sanjay Raut) यांनी पाठवलेले पत्र पाहिल्यानंतर त्यांची केवळ कीव वाटते. कालपर्यंत देशाचे पंतप्रधान आणि भाजपच्या कार्यकर्त्यांना अर्वाच्य, घाणेरड्या भाषेत बोलणाऱ्या राऊतांनी आता ईडीला (ED) सामोरे जावावे. कर नाही त्याला डर कशाला पाहिजे. या सगळ्यानंतर राऊतांना लोकशाही आठवायला लागलीय का? असा सवालही त्यांनी उपस्थित केला आहे.

पुढे ते म्हणाले, राऊत साहेब काळजी करू नका. ईडी तुमची चौकशी करेल ती कायद्यानुसार करेल. आपण तथाकथित बोगस डिग्रीच्या नावाखाली एका महिलेला 47 दिवस तुरुंगात पाठवले होते. किरीट सोमय्या (Kirit Somaiya) यांच्यावर हल्ला झाल्यानंतर त्यांच्यावर सामनामधून त्यांच्या शारीरिक व्यंगावर हल्ला केला होता. तुम्हाला आता लोकशाही आठवते का? त्यावेळी लोकशाही कुठे गेली होती, असा प्रश्नही आमदार भातखळकर यांना उपस्थित केला आहे.

दरम्यान, ईडीचा वापर महाराष्ट्रातील (Maharashtra) सरकार पाडण्यासाठी (Mahavikas Aaghadi Govt.) होत असल्याचा आरोपही राऊत यांनी केला आहे. दोन मंत्र्यांचा राजीनामा आणि सरकार पाडण्यासाठी दबाव येत असल्याचा दावा त्यांनी केला आहे. यासंबंधी ते लवकरच पुरावे सादर करणार असल्याचं संजय राऊत यांनी सांगितलं आहे. यावरून राष्ट्रवादीचे नवाब मलिक यांनीही फडणवीसांवर निशाणा साधला आहे.